________________
(૧૩) ત્વરાએ આત્મકલ્યાણ સાધીને મોક્ષપદને પામે, એ માટે એ આત્માએ પણ શ્રી જિનેન્દ્ર પરમાત્માના ધર્મના મર્મને તલસ્પર્શી રીતે સમજીને પરમ ઉત્કટભાવે ધર્મને આરાધે એવી ભાવદયા જ એ આત્મા પ્રત્યે નિરંતર ચિત્તવવી રહી. એમાં એમનું, આપણું અને વિશ્વનું એકાન્ત પરમ શ્રેયઃ છે.
જીવોને દુઃખી થવું ક્યારે સમ્ભવે ? કે ગતભવોમાં પાપના પ્રવાહમાં તણાઈને પુણ્ય ઉપાર્જન ન કર્યું હોય, ધાર્મિકદ્રવ્યનો નાશ કે ભક્ષણ કર્યું હોય, અન્યની લક્ષ્મી આદિ દેખીને તેની ઈર્ષ્યાદિ કરી હોય, છળપ્રપંચ કરીને અન્યને છેતર્યા હોય, અથવા અન્ય રીતે અશુભ કર્મ અને લક્ષ્મી આદિના અન્તરાય થાય તેવું કોઈ પાપ કર્મ આ જીવથી ઉપાર્જન થયું હોય, તો જ એ અશુભોદયથી આ ભવમાં દુઃખ અને નિર્ધનપણું પ્રાપ્ત થાય, કાળી મજૂરી કરવા છતાંય પેટ પૂરતું યે ન મળે, એ સ્વાભાવિક છે. એવા અશુભોદયવાળાને દેવદ્રવ્યાદિ ધાર્મિક દ્રવ્યનું ભક્ષણ કરાવવું એટલે પૂર્વના અશુભના ઉદયરૂપ કડવા વખ (વિષ) તુમ્બડાનું શાક, અને દેવદ્રવ્યાદિ ધાર્મિકદ્રવ્યનું ભક્ષણ કરાવવા રૂપ તાલપૂટ સોમલવિષનો વઘાર દેવાથી કર વાવખ તુમ્બડાનું શાકરૂપ અશુભ કર્મ કેટલું અનન્તગણું મહાતીવ્ર ચીકણું બનીને ઉદયમાં આવશે, તેનો વિચાર સરખો ય કર્યો છે ખરો ? અનન્તગુણા મહાતીવ્ર ચીકણા કર્મથી ઉત્કૃષ્ટથી અનન્તી (ઉત્સર્પિણી અવસર્પિણી જેટલા અનંત કાળ પર્યન્ત નરક નિગોદાદિના અનન્ત અનન્ત દુઃખવેદવારૂપ આકરામાં આકરી શિક્ષા ભોગવવા તત્પર રહેવું પડે. એ જ ભૂખે મરતા દુઃખી જૈનોનો ઉત્કર્ષ ને? વિશેષ દુઃખી થાય તેવી કાર્યવાહી કરવી એ જ દુઃખી જીવો પ્રત્યેની કુકવાદિઓની કરુણાવિહોણી સહાનુભૂતિ ને? અનન્તકાળ પર્યન્ત દુઃખી થાય તેવી કાર્યવાહી પરમાત્માના પૈસાથી કરવી, એ તો