________________
દેવદ્રવ્યમાંથી આપવામાં આવે તો પરમાત્માની ભક્તિ ઉત્તમ કક્ષાની થઈ શકે.
આ વિશિષ્ટ પર્વના દિવસોમાં પ્રભુજીને અંગરચના જ ન હોય કે સાવ સામાન્ય આંગી હોય તેના કરતા જરૂર મુજબના પૈસા દેવદ્રવ્યના વાપરી ભવ્ય અંગરચના થાય તો રોજ ન આવનારા પણ દર્શન કરી પાવન થાય અને રોજ આવનારા પણ શુદ્ધ અધ્યવસાયો પામી સમ્યગદર્શનને નિર્મળ કરી
શકે.
એ સિવાય દેવદ્રવ્ય વાપરીએ તો દેરાસરમાં લાઈટને બદલે શુદ્ધ ઘીના દીવા થઈ શકે. કેટલાક ઠેકાણે ટ્રસ્ટીઓ બીજે જીર્ણોદ્ધારમાં દેવદ્રવ્યના પૈસા આપે એમ ન હોય પણ પોતાના સંઘમાં વાપરવા તૈયાર હોય, તો પછી ખોટી યુનિટ ટ્રસ્ટ કે બેંક વગેરેમાં કમ પડી રહે અને ઘોર આરંભ-સમારંભ થાય તેના કરતા દેવદ્રવ્ય પ્રભુભક્તિના કાર્યમાં વાપરવું જોઈએ, જે
શાસ્ત્રસિદ્ધ છે. તો આ અંગે તમારું શું કહેવું છે? સમાધાન : આ.શ્રીઅભયશેખરસૂરિજીના ઉપરોક્ત મુદ્દાઓ વાંચતા એવું લાગે છે કે
તેમને પૂજારીના શોષણની, શાસન અપભ્રાજનાની, પરમાત્માની ભક્તિમાં વપરાતા હલકા દ્રવ્યોની, દેરાસરમાં લાઈટ વપરાય છે તેની અને દેવદ્રવ્ય બેંક વગેરેમાં મૂકવાથી થતા ઘોર આરંભ-સમારંભની ચિંતા બેહદ સતાવે છે. પરંતુ આ ચિંતાઓને દૂર કરવા માટે તેમણે દેવદ્રવ્યનો ઉપયોગ કરવાનો જે રસ્તો બતાવ્યો છે તે માતા ખૂબ પીડાતી હોય તો તેનું ગળું દબાવી નાંખી તેની પીડાને દૂર કરવા જેવો છે.
ઉપરોક્ત દૂષણો દૂર થાય તે અમને પણ ઈષ્ટ છે, પણ તે દેવદ્રવ્યના ભોગે નહીં. કેમકે પૂજારીનો પગાર, કેસર, સુખડ, ઘી આદિ માટે દેવદ્રવ્ય વાપરી ન શકાય, તે આપણે પૂર્વે પૂરવાર કરી ચૂક્યા છીએ. પૂજારીનો ઉચિત પગાર, શુદ્ધ કેસર-સુખડ-વરખ, લાઈટને બદલે શુદ્ધ ઘીના દીવા વગેરે માટે
જિનભક્તિ સાધારણખાતાના પૈસાની તૂટ પડતી હોય તો “સીદાતા ખાતામાં a. જુઓ દેવદ્રવ્ય અને જિનપૂજા' પૃ. ૧૦થી ૧૨
53.
