________________
સુખ દુઃખ સકલ વિસરું પ્રભુ ! એવી મળે ભક્તિ મને સૌને કરું શાસન રસી એવી મળો શક્તિ મને સંકલેશ અગન બુઝાવતી મળજો અભિવ્યક્તિ મને મનને પ્રસન્ન બનાવતી મળજો અનાસક્તિ મને. છે શક્યતા તુજમાં ઘણી પણ યોગ્યતા મુજમાં નથી (૧૩) છે દિવ્યતા તુજમાં ઘણી પણ ભવ્યતા મુજમાં નથી છે વૈર્યતા તુજમાં ઘણી પણ નમ્રતા મુજમાં નથી તેથી કરી સંસાર સાગર ભટકી રહ્યો છું નાથજી ! હું કદી ભૂલી જાઉં તો પ્રભુ ! તું મને સંભારજે (૧૪) હું કદી ડૂબી જાઉં તો પ્રભુ ! તું મને ઉગારજે હું વસ્યો છું રાગમાં ને તું વસે વૈરાગ્યમાં આ રાગમાં ડૂબેલને ભવપાર તું ઉતારજે. દુઃખો તણા ડુંગર ભલે તૂટી પડો મુજ ઉપરે (૧૫) આપત્તિના વાદળ ભલે વરસી પડો મુજ ઉપરે રોગો તણી ફોજો ભલે ને ત્રાટકે મુજ ઉપર પણ સર્વ કાળે નાથ ! તારો હાથ રહો મુજ ઉપરે. (૧૬) આરાધનાની ગાંઠ સરકી જાય ના જો જે પ્રભુ ! મુજ ભાવનાનો સ્ત્રોત ફસકી જાય ના જોજે પ્રભુ ! આ શ્વાસની ક્યારી મહીં તુજ નામને રોપ્યું પ્રભુ ! એ મોક્ષગામી બીજ બગડી જાય ના જો જે પ્રભુ ! (૧૭) પાવન કરજો હે પ્રભુ ! ભવ જલ થકી ઉગારજો રત્નત્રયીની વરસુધાનું પાન મુજને કરાવજો મેં હાથ ઝાલ્યો આપનો જિમ બાળ ઝાલે માતનો મુક્તિ મળે ના જયાં સુધી આ બાળને સંભાળજો . (૧૮) સાગર દયાના છો તમે કરુણા તણા ભંડાર છો અમ પતિતોને તારનારા વિશ્વના આધાર છો તારા ભરોસે જીવન નૈયા આજ મેં તરતી મૂકી કોટિ કોટિ વંદન કરું જિનરાજ ! તુજ ચરણે ઝૂકી. (૧૯)