________________
જિનધર્મતરુના મૂલ જેવા વિનયગુણને જે હણે, જે ભલભલા ઊંચે ચડેલાને ય તરણા સમ ગણે, તે દુષ્ટ માનસુભટની સામે બળ બને. મુજ વામણું ,
આ પાપમય... (૭) શ્રીમલ્લિનાથ જિનેન્દ્રને જેણે બનાવ્યા સ્ત્રી અને, સંક્લેશની જાલિમ અગનમાં જે ધખાવે જગતને, તે દંભ છોડી સરળતાને પામવા હું થનગનું,
આ પાપમય... (૮) જેનું મહાસામ્રાજય એકેન્દ્રિય સુધી વિલસી રહ્યું, જેને બની પરવશ જગત આ દુઃખમાં કણસી રહ્યું, જે પાપનો છે બાપ તે ધનલોભ મેં પોષ્યો ઘણું,
આ પાપમય... (૯) તન ધન સ્વજન જીવન ઉપર મેં ખૂબ રાખ્યો રાગ પણ, તે રાગથી કરવું પડ્યું મારે ઘણા ભવમાં ભ્રમણ, મારે હવે કરવું હૃદયમાં સ્થાન શાસનરાગનું,
આ પાપમય... (૧૦) મેં દ્વેષ રાખ્યો દુઃખ ઉપર તો સુખ મને છોડી ગયું, સુખ દુઃખ પર સમભાવ રાખ્યો, તો હૃદયને સુખ થયું, સમજાય છે મુજને હવે, છે દ્વેષ કારણ દુઃખનું,
આ પાપમય... (૧૧) જે સ્વજન તન ધન ઉપરની મમતા તજી સમતા ધરે, બસ, બારમો હોય ચન્દ્રમાં તેને કલહ સાથે ખરે, જિનવચનથી મઘમઘ થજો મુજ આત્મના અણુએ અણુ,
આ પાપમય... (૧૨) જો પૂર્વભવમાં એક જૂઠું આળ આપ્યું શ્રમણને, સીતા સમી ઉત્તમસતીને રખડપટ્ટી થઈ વને, ઈર્ષા તજું, બનું વિશ્વવત્સલ, એક વાંછિત મનતણું,
આ પાપમય... (૧૩)
