________________
{ આ પાપમય સંસાર ઘડી....
ડગલે અને પગલે સતત હિંસા મને કરવી પડે, તે ધન્ય છે જેને અહિંસાપૂર્ણ જીવન સાંપડે, ક્યારે થશે કરુણાઝરણથી આર્દ મારું આંગણું, આ પાપમય સંસાર છોડી શ્રમણ હું ક્યારે બનું ! (૧) ક્યારેક ભય ક્યારેક લાલચ ચિત્તને એવાં નડે, વ્યવહારમાં વ્યાપારમાં જૂઠું તરત કહેવું પડે, છે સત્યમહાવ્રતધર શ્રમણનું જીવનઘર રળિયામણું,
આ પાપમય... (૨) જે માલિકે આપ્યા વગરનું તણખલું પણ લે નહિ, વંદન હજારો વાર હો તે શ્રમણને પળપળ મહીં, હું તો અદત્તાદાન માટે ગામ પરગામે ભયું,
આ પાપમય... (૩) જે ઇન્દ્રિયોને જીવનની ક્ષણ એક પણ સોંપાય ના, મુજ આયખું આખું વિત્યું તે ઇન્દ્રિયોના સાથમાં, લાગે હવે શ્રી સ્થૂલભદ્રતણું સ્મરણ સોહામણું,
આ પાપમય... (૪) નવવિધ પરિગ્રહ જિંદગીભર હું જમા કરતો રહ્યો, ધનલાલસામાં સર્વભક્ષી મરણને ભૂલી ગયો, મૂચ્છરહિત સંતોષમાં સુખ છે ખર જીવનનું,
- આ પાપમય... (૫) અબજો વરસની સાધનાનો ક્ષય કરે જે ક્ષણમહીં, જે નરકનો અનુભવ કરાવે સ્વ પરને અહિ ને અહીં, તે ક્રોધથી બની મુક્ત સમતાયુક્ત હું ક્યારે બનું,
આ પાપમય... (૬)
પછે.