________________
ભવ્યાત્માઓના અંતરમાં પડેલા મિથ્યાતામસને દૂર હડસેલી સમ્યકત્વની સાધનાનો સ્પર્શ કરાવી રહ્યો છે સાથે સાથે અનંતાજિનના મોક્ષકલ્યાણકોની મધુરીમહેકથી સમગ્ર પ્રકૃતિ મઘમઘાયમાન બની રહી છે.
આવા મહાતીર્થની આરાધના-સાધના-ઉપાસના આપણા આત્મા ઉપર ગાઢ થયેલા અનાદિકાળના વિષય-કષાયની વાસનાના સંસ્કારોને મંદ પાડી| પરંપરાએ પરમતત્ત્વ પર્યત પહોંચાડવાનું સામર્થ્ય ધરાવે છે, તેથી આ તીર્થભક્તિ ભવ્યજનોની ભાવધારાને પ્રોત્સાહિત કરે તેવા શુભાશયથી સ્તુતિ, સ્તવન, થોય, ભક્તિગીતો,સ્તોત્ર, પૂજાદિ સંગ્રહસ્વરૂપ ઝરણાંઓનો સંગમ કરાવી પ્રસ્તુત “ગિરનાર ગીતગંગાનું અવતરણ કરાવી ભવ્યજનોના હૈયા સુધી વહેતું કરવાનો અલ્પપ્રયાસ કરેલ છે. સૌ કોઈ આ ગંગાજળનાં ભાવજ્ઞાનની મસ્તી માણી પરમપંથ તરફ પગરવ માંડી પરંપરાએ પરમપદને પામે એ જ પિપાસા.
જિનાજ્ઞા વિરુદ્ધ કંઈ લખાયું હોય તો ત્રિવિધ અંતઃકરણપૂર્વક ક્ષમા યાચું છું.
વિ.સં. ૨૦૬૮ ટ્વિ.વ.૯
એ જ લિ. ભવોદધિતારક ગુરુપાદરેણુ
મુનિ હેમવલ્લભ વિજય
