________________
ગિરનાર તળેટીએથી...
જગમાં તીરથ દો વડા, શત્રુંજય ગિરનાર;
એક ગઢ ઋષભ સમોસ, એક ગઢ નેમકુમાર જગપ્રસિદ્ધ તીર્થાધિરાજ શ્રી શત્રુંજય મહાતીર્થની સ્પર્શના-ભક્તિ આજે ચતુર્વિધ સંઘમાં દિનપ્રતિદિન વિસ્તાર પામી છે, તેવા અવસરે આ વિશ્વના દ્વિતીય જગપ્રસિદ્ધ શ્રી ગિરનારજી મહાતીર્થ પ્રત્યે કેટલાક વર્ષોથી સમસ્તજૈનસંઘો દ્વારા ઉપેક્ષા સેવાયેલ છે. જેના પરિણામે અતીત-અનાગત અનંતા તીર્થકરો તથા વર્તમાન ચોવીસીના બાવીસમા તીર્થંકર બાલબ્રહ્મચારી શ્રી નેમિનાથ પરમાત્માના દીક્ષા-કેવળજ્ઞાન અને મોક્ષકલ્યાણકોથી પાવન બનેલી આ તીર્થભૂમિ ચતુર્વિધ સંઘ દ્વારા અલ્પ સ્પર્ધાયેલ રહેલ છે.
પરમાત્મા અને પૂજયોના પ્રસાદથી છેલ્લા ચારેક વર્ષથી આ મહાતીર્થના માહાભ્યને સમસ્ત જૈનસંઘના ઘર- ઘરમાં અને ઘટ-ઘટ સુધી પહોંચાડવાના યત્કિંચિત્ પ્રયાસ અંતર્ગત પ્રસ્તુત પુસ્તકનું પ્રકાશન થઈ રહેલ છે.
આજે ગિરનાર-નેમિનાથ આ બન્ને નામો એકબીજાના પર્યાય તુલ્ય બની ગયા છે, ગિરનાર-નેમિનાથ એકબીજા સાથે અનેક ઘટનાઓની ઘટમાળથી ગુંથાયેલા છે. આજે પણ આ તીર્થભૂમિ ઉપર નેમિપ્રભુ સહ અનંતા તીર્થકરોના દીક્ષા કલ્યાણક અવસરના વૈરાગ્યરસથી ભીંજાયેલો વસંતીવાયરો રોમ-રોમને રોમાંચિત કરી રહ્યો છે, અનંતા કેવળજ્ઞાન કલ્યાણકોનો પુનિતપ્રકાશ અનેક