________________
:
જ મિનિટોમાં ઘર નીચે પોલિસવેન આવી શકે છે અને ગુન્હેગાર(!) પપ્પાને કડક શબ્દોમાં ચેતવણી આપી શકે છેઃ “તમારા છોકરા સાથે સરખી રીતે વર્તતા શીખો!” એટલી શી વાતમાં પોતાના રૂમમાંથી પર્સનલ ફોન પરથી પોલિસને ડાયલ કરીને પોતાના પપ્પાને ગિરફ્તાર કરાવી દેવા સુધીની સત્તા જે દેશના બાળકોને મળતી હોય તે દેશની ખાજો દયા, તે બાળની ખાજો દયા!
બાલ્યકાળ અને કિશોરાવસ્થામાં સમજણની અને તેથી વધારે તો અનુભવની મર્યાદા રહેવાની. સંતાન કોઈ ખોટી ટેવ કે ખોટી સોબતનો ભોગ બની જાય તે સંભવિત છે. આવી સ્થિતિમાં તેના ઉછેર, ઘડતર, સંસ્કરણની બધી જવાબદારી તેના વાલીની છે. બાળકને પોતાની જીંદગી હોય છે તેની ના નથી પણ તેની જીંદગી ઘડવાની કો'કની જવાબદારી પણ હોય છે તે ભુલવું ન જોઈએ.
બાળકના સારા ઘડતરમાં તેને મળતું વાતાવરણ ઘણો મોટો ભાગ ભજવે છે. Your Geography Can Shape Your Future. સંસ્કારપ્રેમી પરિવારો આથી જ બાળકોને તંદુરસ્ત મિત્રવર્તુળ વચ્ચે રાખે છે. જેનું સર્કલ ખરાબ, તેની જીંદગી ખરાબ!
જૈનોમાં નાનપણથી જ પાઠશાળામાં જઈને જ્ઞાનાભ્યાસ કરવાની કે ઘરે ધાર્મિક શિક્ષકને બોલાવીને અથવા મમ્મી-પપ્પા પાસે ભણવાની પરંપરા બહુ જુની અને જાણીતી છે. વેકેશનોમાં વિદ્વાન શ્રમણ-શ્રમણી ભગવંતોના પરિચયમાં રહીને વિશેષ અભ્યાસ કરનારા બાળકો પણ છે.
