________________
તીર્થમાલા
૯૩
તીર્થો નિકટમાં આવેલ છે. ઉપાશ્રયો, આયંબીલશાળા તથા જ્ઞાનભંડાર પણ અહીં છે. પ્રભાવક પૂ. આચાર્ય ભગવંતોના અહીં ચાતુર્માસ થાય છે. અહીંની વિશાળ પાંજરાપોળમાં અબોલ પશુઓનું રક્ષણ અને પોષણ થાય છે.
પ્રાચીનતાના પુરાવા :
શ્રી કલ્યાણસાગરસૂરિ, શ્રી વિદ્યાસાગરસૂરિ, પંન્યાસ શ્રી શુભસાગરગણિ, મહોપાધ્યાય શ્રી યશોવિજયજી આદિ અનેક મહાપુરુષોએ રચેલા શ્રી ગોડી પાર્શ્વનાથનાં સ્તોત્રો આજે ઉપલબ્ધ છે.
સં. ૧૬૬૦માં રચાયેલા શ્રી પ્રીતિવિમલ કૃત “શ્રી ગોડી પાર્શ્વનાથ ઉત્પત્તિ સ્તવન'' અંચલગચ્છીય શ્રી લાવણ્ય મુનિએ અઢારમા સૈકામાં રચેલું “શ્રી ગોડી પાર્શ્વનાથજીનું ચોઢાળિયું” તથા સં. ૧૯૧૭માં રચાયેલા શ્રી નેમવિજય કૃત “શ્રી ગોડીપાર્શ્વનાથ સ્તવન'' પરથી શ્રી ગોડી પાર્શ્વનાથનો ઉદ્ભવ તથા ઇતિહાસ પ્રાપ્ત થાય છે.
સં. ૧૬૬૭માં રચાયેલા શ્રી શાંતિકુશલ કૃત ‘શ્રી ગોડી પાર્શ્વનાથ સ્તવન'માં શ્રી પાર્શ્વપ્રભુના ૧૧૦ નામોનો ઉલ્લેખ
કરેલો છે.’
કુશલલાભ, શ્રી ઉદયરત્ન, શ્રી ધર્મસિંહ, શ્રી અભયસો આદિના રચેલા શ્રી ગોડી પાર્શ્વનાથના મનોહર છંદો શ્રી ગોડી પાર્શ્વનાથના મહિમાને ગાય છે. તદુપરાંત નાનાં-મોટા અઢળક
