________________
૬૦
તીર્થમાલા
તથા આબુ ગામમાં પણ શાન્તિનાથ પરમાત્માનું એક મદિર છે. અને આખું ગામની બહાર સ્ટેશન પાસે પણ શ્રી મહાવીર પરમાત્માનું એક સુંદર મંદિર છે. આ મંદિર કુમર નામના રાજાએ બનાવ્યું છે. જેમાં સુંદર જિનબિંબોની પ્રતિષ્ઠા કરવામાં આવી છે. II ૬૦-૬૧-૬૨ ||
સારાંશ : આબુ પર્વત ઉપર દેલવાડાના વિભાગમાં વિમલવસઇ અને લુણવસઈનાં મંદિરો છે. ત્યાંથી આગળ જઈને પર્વત ઉપર વધારે ઊંચા ચડીએ ત્યારે સૌથી ઊંચા શિખર ઉપર અચલગઢનાં મંદિરો આવે છે. જેમાં ચૌમુખી પિત્તલનાં પ્રતિમાજી છે. જેનું વજન (૧૪૦૦) એક હજાર અને ચારસો મણ છે. (આજે કીલોગ્રામનું દશાંશ પદ્ધતિવાળું માપ ચાલે છે. તે પહેલાં આ માપ ચાલતું હતું.) (ચાલીસ શેરનું એક મણ થતું હતું. એવું ૧૪૦૦ મણ આ પ્રતિમાજીનું વજન હતું.) જેને જોતાં જ ચિત્ત ઠરી જાય. ત્યાં જ ઊભા રહેવાનું મન થાય એવું તથા ભવોના ભયને હરનારૂ આ પ્રતિમાજીનું દર્શન છે. અત્યન્ત આશ્ચર્ય ઉપજાવે તેવાં આરસનાં બનાવેલાં બીજાં સાત પ્રતિમાજી, આ ચાર પ્રતિમાજીની પડખે શોભે છે. આબુ ગામમાં શાન્નિનાથજી પરમાત્માનું દેરાસર અને ગામની બહાર સ્ટેશન પાસે શ્રી મહાવીરસ્વામી પરમાત્માનું દેરાસર આવેલું છે જે કુમાર નામના રાજાએ બનાવ્યું છે. તે બધાં દેરાસરોમાં આ સુરતના સંઘે દર્શનવંદન આદિ કાર્યો કર્યા. I ૬૦-૬૧-૬૨ ll