________________
તીર્થમાલા
૫૩
ભાવાર્થ : જીરાઉલાજી તીર્થનાં દર્શન કરીને આ સંઘ ધીમે ધીમે આગળ ચાલ્યો. રસ્તામાં ગોહલી અને સીદરોડ નામનાં ગામો આવ્યાં. જેમાં એક એક જૈન ઉપાશ્રય છે. ત્યાંથી આગળ જતાં હમીરપુર નામનું ગામ આવ્યું. જે ગામમાં ચાર માળવાળું જૈનમંદિર છે. ત્યાં દર્શન-વંદન કરીને સીરોડી નામના ગામમાં ગયા. ત્યાં ચૈત્યોનાં દર્શન કરી પ્રતિમાજીને જુહારીને આગળ આ સંઘ ચાલ્યો. ત્યાં માર્ગના બન્ને પડખે ઘણાં ઘણાં ગામો છે. જેમાં મનોહર જૈન દેરાસરો છે. એમ કરતાં પાલડી નામનું ગામ આવ્યું. ત્યાં શ્રી વીર પ્રભુનો વિહાર થયો હતો તેનું સ્થાન જોઈને આ સંઘ જાત્રા કરીને સુખે સુખે આગળ આગળ ચાલ્યો. પંથ કપાતો જાય છે. II ૫૧-૫૨ ||
સારાંશ : જીરાઉલાથી ગોહલી સીદરોડ વિગેરે ગામો પસાર કરતો અને તેમાં રહેલા એક એક જૈન વિહાર (જૈન ઉપાશ્રયની) યાત્રા કરતો કરતો આ સંઘ હમીરપુર ગામમાં આવ્યો. આ ગામમાં ચાર મેડાવાળું (ચાર માળવાળું) ભવ્ય એક જૈન મન્દિર છે તેની યાત્રા કરીને સીરોડી ગામની જાત્રા કરીને આ સંઘ આગળ આગળ આબુ પર્વત તરફ ચાલતો હતો બન્ને પડખે નાનાં-મોટાં ઘણાં ગામો હતાં. તેમાં મનને આંજી નાખે એવાં મનોહર જૈન મન્દિરો છે. તેની ભાવથી યાત્રા કરતો કરતો આ સંઘ પાલડી'' નામના ગામમાં આવ્યો. ત્યાં શ્રી મહાવીર પ્રભુના વિહારનું સ્થાન
