________________
તીર્થમાલા
૪૫
ચ્ચાર પ્રાસાદ બીજાં વલી એ એવું મિલીને પંચ, પંચમ ગતિને પામવા, નિરખ્યો એક જ સકલ પ્રપંચ, II૪૪ll
ભાવાર્થ ઃ રાણકપુર નામના આ મહાતીર્થના દેરાસરમાં મોટા મોટા ઉંચા ઉંચા ઘણા થાંભલા છે તથા તેના ઉપર સુંદર કોતરણી છે. તથા દેરાસરની પરિધિમાં સહસ્રકુટ અને પાંચ મેરૂ પર્વતનાં તીર્થો બહુ જ વિવેકપૂર્વક બનાવેલાં છે. ભોંયરામાં પણ ઘણાં જિનેશ્વર દેવનાં પ્રતિબિંબો છે તે સર્વને તે તે સ્થાને વંદના કરી તથા મુખ્ય આ દેરાસર ઉપરાન્ત બીજાં પણ નાનાં-મોટાં ચાર દેરાસરો છે તે ચાર નવા મુખ્ય ચૌમુખજીનું આ દેરાસર એમ કુલ પાંચ જિનાલયોને એવા ભાવપૂર્વક વંદના કરી કે જેનાથી પાંચમી ગતિ (મોક્ષગતિ)ની પ્રાપ્તિ થાય અને આ સંસારનો બધો જ ભાર દૂર થઈ જાય. સંસારનો થાક પણ દૂર થઈ જાય. ll૪૪ll
સારાંશ : “રાણકપુર” નામનું આ તીર્થ મારવાડમાં સાદડી ગામની પાસે આવ્યું. એટલે સુરતથી નીકળેલો આ સંઘ સાદડીની જાત્રા કરીને રાણકપુર તીર્થમાં જઈ પહોંચ્યો. ત્યાં મોટો રંગમંડપ છે. તેમાં ઉંચા ઉંચા પત્થરના ઘણા થાંભલા છે તેની એવી ગોઠવણી છે કે કોઈ ગણી ન શકે ગમે તે રીતે ગણે તો પણ ભુલ જ પડે, કોક થાંભલો ગણવો રહી જ જાય.
