________________
તીર્થમાલા
૨૫
કર્યા. પોતાના જીવનની ધન્યતા અનુભવી. પરમાત્માને વંદના કરતાં કરતાં અતિશય ઉલ્લાસની ધારા વૃદ્ધિ પામી, એમાં કરતાં કરતાં મોટા મોટા જય જયના હર્ષનાદ સાથે આ સંઘ સમી નામના ગામમાં પ્રવેશ પામ્યો. મુજપુરથી સમી શહેરમાં આ સંઘ આવ્યો. “સમી” એક નાનું શહેર હોવાથી ત્યાંના સર્વે સાધર્મિક ભાઈઓ સંઘના ભાઈઓ સાથે એક-મેક થઈ ગયા અને જાણે મિત્રોની જેવા જ્ઞાતિજનો મળ્યા હોય તેવો ઘણો આનંદ પામ્યા.
આ સંઘમાં આવેલા ભાઈ-બહેનોને પણ આ ગામમાં ખાવા-પીવાની અને રહેવાની ઘણી મઝા પડી ગઈ. બન્ને સંઘો એકાકાર બની ગયા. તે કારણે કેટલાક દિવસો સુધી આ સંઘે અહીં સમી ગામમાં સ્થિરતા કરી અને આત્મિક આનંદ પ્રમોદ સાથે અધ્યાત્મની ભાવનાની વૃદ્ધિમાં સંઘના દિવસો પસાર થતા ગયા. || ૧૬-૧૭ ||
સારાંશ : આ સંઘ માંડલથી મુઝપુર આવ્યો. અને માંડલમાં ઝોટીંગા પાર્શ્વનાથ પરમાત્માની સેવા-પૂજા કરીને લાભ લીધો. ત્યારબાદ ઘણા જ ઉલ્લાસ અને આનંદ સાથે વિહાર કરીને મુઝપૂર થઈને અનુક્રમે ચાલતો ચાલતો આ શ્રી સંઘ સાજન-મહાજન સાથે “સમી'' નામના નગરમાં પધાર્યો. ત્યાંના બધા સાધર્મિક ભાઈ-બહેનો ઘણું સુખ અને આનંદ પામ્યા. સંઘના બધા જ ભાઈઓને આ સમી ગામમાં
