________________
૧૦
તીર્થમાલા મુખ આગળ હાથ જોડીને ગોળ ગોળ ફેરવવાપૂર્વક પ્રણામ કરવા દ્વારા કરાતાં વધામણાં) લહીએ. અર્થાત્ ભાવપૂર્વક નમસ્કાર કરીને વારંવાર પરમાત્માને સ્મૃતિ ગોચર કરીએ.
ચૈત્યોની પરિપાટી. (ક્રમસર જૈન તીર્થોનાં દર્શન કરવારૂપ જે ચૈત્યોની પરિપાટી) છે. તે પુન્ય બાંધવાની એક પ્રકારની લીલીછમ વાડી છે તેનું વર્ણન કરીને જિનેશ્વર પરમાત્મા પ્રત્યે અતિશય ભક્તિ હૈયામાં લાવીશું. ભક્તિભાવ ધારણ કરીશું. જે ભક્તિરસ ગાતાં ગાતાં હૈયાં નાચશે, આનંદ ઉભરાશે, હાર્દિક પ્રેમ પાંગરશે. || ૧-૨ //.
વિક્રમ સંવત (૧૭૫૫) સત્તરસોહ પંચાવનની સાલા હતી. તે કાળે જૈન સમાજના ભાઈઓ અને બહેનો ઘણા આનંદિત થયા હતા. સંઘ કાઢવા દ્વારા અનેક તીર્થોમાં શ્રી જિનેશ્વર પરમાત્માને વંદન કર્યા, સુરતથી પૂજ્ય શ્રી જ્ઞાનવિમલસૂરીશ્વરજી મહારાજ સાહેબની નિશ્રામાં સંઘ નીકળેલો. તે સંઘનું ઢાળબદ્ધ વર્ણન કરીને ભાવપૂર્વક વંદના કરીને હૈયામાં ઘણો ઉત્સાહ ધારણ કરીને તે તીર્થયાત્રા જે રીતે કરી હતી તેનું વર્ણન કરવાને હું ઘણો જ ઉત્સાહિત થયો છું. આ તીર્થયાત્રા ગાતાં ગાતાં સર્વ પ્રકારના સુખને અને આનંદને જાણે હું અનુભવતું હોઉં એવો અતિશય ઉત્સાહ આજે મારા હૃદયમાં વર્તે છે. એમ શ્રી જ્ઞાનવિમલસૂરીશ્વરજી મહારાજશ્રી કહે છે. જે ૧-૨ ||
