Page Text
________________
જલાવી દીધા. પછી વાઉકાયમાં તોફાન બનીને કેટલાય મકાનં પાડી દીધા. પછી વનસ્પતિકાયમાં બટાટા, ગાજર બનીને મને ખાવાવાળાઓના પાપમાં નિમિત્ત બન્યો. મારા કારણે એ જીવ દુર્ગતિમાં ચાલ્યા ગયા. ક્યારેક ફૂલ તો ક્યારેક શૂલ બન્યો. ક્યારેક કાંટો બનીને કોઈના પગમાં ભોંકાઈ ગયો. આ પ્રમાણે હે પ્રભુ ! એકેન્દ્રિયના ભવમાં મેં અનેક જીવોને દુઃખ આપ્યું. આ પાપનું મિચ્છામિ દુક્કડમ્ માંગીને એકેન્દ્રિયના બધા પુદ્ગલ પર્યાયોને હું વોસિરાવું છું.
એના પછી બેઇન્દ્રિયમાં ઇયળ, લટ, શંખ વગેરે બનીને વાસી રોટલી, બ્રેડ વગેરેમાં ઉત્પન્ન થયો. મને ખાવાવાળાના પાપમાં નિમિત્ત બન્યો. પછી તે ઇન્દ્રિયના ભવમાં ધાન્યમાં કીડા તરીકે ઉત્પન્ન થયો. ત્યાં મને તડકામાં રાખ્યો જેનાથી મને બહુ વેદના થઈ અને હું મરી ગયો. હવે આ ભવમાં હું પ્રતિજ્ઞા કરું છું કે ક્યારેય પણ સડેલા ધાન્યને ચાળ્યા વિના આમ જ તડકામાં નહીં નાખીશ, કેમકે આ જ મારો ભૂતકાળ હતો. પછી ત્યાંથી હું ચરિન્દ્રિયમાં ઉત્પન્ન થયો. ક્યારેક માખી, મચ્છર બનીને ભણવાવાળાને અંતરાય આપ્યો. તો ક્યારેક વાંદો બનીને લોકોને હેરાન કર્યા. પોતાના વિકેલેન્દ્રિયના ભવમાં જીવોને બહુજ દુઃખ આપ્યું. એ પાપનું મિચ્છામિ દુક્કડમ્ આપીને વિકલેન્દ્રિયના ભવના સમસ્ત પુદ્ગલ પર્યાયોને વોસિરાવું છું.
પછી હું પંચેન્દ્રિય તિર્યંચના ભવમાં ગયો. ત્યાં સિંહ, શિયાળ, કાચબો, સાપ, વગેરે બનીને પોતાના ભોજન માટે નિર્દોષ પ્રાણીઓનો સંહાર કર્યો. તિર્યંચના ભવમાં પાપ કર્મ કરી, હું નરકમાં ગયો. ત્યાં પરમાધામીનો માર સહન ન થવાના કારણે ચિલ્લાઈ-ચિલ્લાઈને ખૂબ આર્ત્તધ્યાન કર્યું અને નવા પાપ બાંધીને ફરીથી તિર્યંચ ગતિમાં ગયો. આ પ્રમાણે કેટલાક ભવ કરતાં-કરતાં કંઈક પુણ્યનો ઉદય થયો. ત્યારે હું માનવભવમાં આવ્યો. પણ ત્યાં જિનશાસન મળ્યું નહીં. ફરીથી દુર્ગતિમાં ગયો અને ફરતો-ફરતો પુણ્યોદયથી દેવલોકમાં ગયો. ત્યાં રત્નોના વિમાનો, કામિની દેવીઓ, બગીચા વગેરે ક્રીડા સ્થળો પ્રતિ ખૂબ આસક્તિ રાખી, ખૂબ મમત્વ ભાવ રાખ્યો. ત્યાંથી મનુષ્યભવમાં આવ્યો. અને મનુષ્ય ભવમાં ખૂબ પૈસા કમાવ્યા. અને એ પૈસા માટે જૂઠ, ચોરી, હિંસા વગેરે ઘણા પાપ કર્યા. ત્યાં મકાન, બંગલા, દુકાન, ફર્નીચર, ટી.વી, રેડિયો, ફોન, મોબાઈલ, કમ્પ્યુટર, પુત્રપુત્રી વગેરે બધી વસ્તુઓ ઉપર મમત્વભાવ રાખ્યો. પંચેન્દ્રિય ભવોના બધા પુદ્ગલોને હું વોસિરાવ્યા વિના જ મરી ગયો. આ બધી સામગ્રીઓ ઉપર પૂર્વભવોની રહેલી મમતાને કારણે મારો આત્મા આજે પણ પાપકર્મથી લિપ્ત થઈ રહ્યો છે. એથી હું અત્યંત દુઃખી થઈ રહ્યો છું. હવે હું ભવોદધિ તારક જિનેશ્વર પ્રભુ તેમજ ચતુર્વિધ સંઘની સાક્ષીમાં મન-વચન-કાયા રૂપ ત્રણે યોગોથી પૂર્વની સર્વ સામગ્રીની મંમતાનો ત્યાગ કરી એ બધા પુદ્ગલોને વોસિરાવું છું.
61
| SR No. | 006050 |
| Book Title | Jainism Course Part 04 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 222 |
| Language | Gujarati |
| Classification | Book_Gujarati |
| File Size | 10 MB |