Page Text
________________
દેવબોધિ નામના એક કટ્ટર બ્રાહ્મણને જૈનધર્મ તરફ કુમારપાલના વધતા આકર્ષણના વિશે ખબર પડી. ભવિષ્યમાં આ વાતથી શિવધર્મની હાનિ થશે. એવું જાણીને એ કુમારપાલને શિવધર્મમાં સ્થિર કરવા માટે પાટણ આવ્યો. ત્યાં એ લોકોને અલગ-અલગ ચમત્કાર બતાવવા લાગ્યો. કુમારપાળે પણ એના ચમત્કારોના વિશે સાંભળ્યું. તો એમને જોવાની ઇચ્છા થઈ. એટલે એમણે દેવબોધિને રાજસભામાં આવવાનું આમંત્રણ આપ્યું. દેવબોધિએ કમલની નાલના દાંડીવાળી, કેળ વૃક્ષના પત્રથી બનેલા આસનવાળી, સુતરના કાચાદોરાથી બાંધેલી, આઠ વર્ષના બાળકો દ્વારા ઉપાડેલી ડોલીમાં પોતાનો શ્વાસ રોકીને શરીરને એકદમ હલ્લુ બનાવીને મૌનપૂર્વક એમાં બેસીને રાજયસભામાં પ્રવેશ કર્યો. આ દૃશ્ય જોઈને રાજા સ્તબ્ધ થઈ ગયા.
રાજાએ એમનું યોગ્ય સત્કાર કર્યો. થોડીકવાર પછી અવસર જોઈને દેવબોધિએ કુમારપાલને પૂછ્યું, “તેં પોતાનો શૈવ ધર્મ છોડીને આ જૈન ધર્મનો સ્વીકાર કેમ કર્યો છે?' કુમારપાલે બતાવ્યું કે શૈવધર્મ સારો છે. પરંતુ એમાં હિંસાનું આચરણ થાય છે. જ્યારે જૈનધર્મ અહિંસાનો ઉપદેશ આપે છે. માટે મેં જૈન ધર્મનો સ્વીકાર કર્યો છે.” કુમારપાલના પૂર્વજ વગેરે શૈવધર્મનું પાલન કરતા હતા. એમને પ્રત્યક્ષ બતાવવા માટે દેવબોધિએ મંત્રબલથી એમના પૂર્વજ મૂલરાજા વગેરેને હાજર કર્યા. કુમારપાલે એ બધાને પ્રણામ કર્યા. એના પછી દેવબોધિએ બ્રહ્મા, વિષ્ણુ અને મહેશને પ્રગટ કર્યા. આ જોઈને કુમારપાલ આશ્ચર્યચકિત થઈ ગયા. દેવોએ તથા કુમારપાલના પૂર્વજોએ કુમારપાલને જૈનધર્મ છોડીને શૈવધર્મની ઉપાસના કરવાનું કહ્યું તથા વેદોને જ પ્રમાણભૂત માનવાની સલાહ આપી. થોડા સમયમાં દેવ તથા મૂલરાજા વગેરે અદૃશ્ય થઈ ગયા. કુમારપાલ વિચારમાં પડી ગયા કે આમાં સત્ય શું છે ? એક તરફ દેવપત્તનના સોમનાથનું વચન, બીજી તરફ દેવબોધિએ બતાવેલા દેવોનું વચન. એનું માથું ભમવા લાગ્યું.
આ આખી ઘટના દરમ્યાન મહામંત્રી ઉદયનનો પુત્ર વાગભટ્ટ મંત્રી કુમારપાલની સાથે હતો. એણે આચાર્યશ્રી હેમચંદ્રાચાર્યની પાસે જઈને આખી વાત કહી. આચાર્યશ્રીએ કાલે વ્યાખ્યાનના સમયે કુમારપાલને લઈને આવવાનું કહ્યું. બીજા દિવસે એક-બીજાની ઉપર રાખવામાં આવેલા એવા સાતમા પાટ ઉપર બેસીને શ્રી હેમચંદ્રાચાર્યજી વ્યાખ્યાન આપી રહ્યા હતા. રાજા કુમારપાલ, વાગભટ્ટ
અને અનેક સ્ત્રી-પુરુષ ઉપદેશ સાંભળવામાં લીન બન્યા હતા. અને જોતા-જોતા જ એક પછી એક - સાતેય પાટ કે જેની ઉપર ગુરુદેવ બેઠા હતા તે ત્યાંથી ખસકાવી દેવામાં આવી. આચાર્યશ્રી બિસ્કુલ
આકાશમાં અદ્ધર બેસેલા લોકોને દેખાયા, અને વ્યાખ્યાનની વાધારા ચાલુ રહી. રાજા કુમારપાલની આંખો આ જોઈને વિસ્ફારિત થઈ ગઈ.
| SR No. | 006050 |
| Book Title | Jainism Course Part 04 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 222 |
| Language | Gujarati |
| Classification | Book_Gujarati |
| File Size | 10 MB |