Page Text
________________
મળવા જવાની તો વાત જ નથી. અને એમ.સી.માં મળવા જવાનો સુઅવસર માની લે તો એકાંત મૌન સાધનાનો કયો અવસર હશે? પૂજાઃ એમ.સી.મા ધાર્મિક તેમજ સાંસારિક બધા જ કાર્યોની સાથે ટી.વી. પણ ન જોવું, બહાર ફરવા જવાનું પણ પ્રતિબંધ લગાવી દીધો છે, તો ત્રણ દિવસ બેસી-બેસીને કરીશું શું? Time pass કેવી રીતે કરવો? જયણા સંસારી જીવનમાં શાંતિથી આત્માની તરફ જોવાનો સમય જ નથી મલતો. પરંતુ એમ.સી.ના ત્રણ દિવસ બહેનો માટે વરદાન સ્વરૂપ બની જાય છે જો એ આ છુટ્ટીનો સદુપયોગ કરી પૂર્ણ મૌન કરે તો. જ્યારે વ્યક્તિને પૂર્ણ મૌનની સાથે એકાંતતા તેમજ કામથી નિશ્ચિતતા મળે છે, ત્યારે એને પોતાની આત્મામાં જોવાનો સોનેરી અવસર પ્રાપ્ત થાય છે. એમ.સી.માં મૌન, એકાંતતા, નિશ્ચિતતા બધું જ છે. માટે શાંતિથી બેઠા-બેઠા આખા મહિનામાં કઈ-કઈ વ્યક્તિના પ્રત્યે દ્વેષ-દુર્ભાવ કર્યો? પતિની સાથે, સાસુની સાથે, દેરાણી-જેઠાણીની સાથે, વહુ-દિકરાની સાથે અથવા બાળકોના પ્રત્યે મેં કયું કર્તવ્ય નથી નિભાવ્યું? એમની કઈ ઇચ્છાને પૂર્ણ ન કરીને હું એમને ખુશ ન કરી શકી? વગેરે જે-જે ભૂલ થઈ હોય. એના માટે મનથી જ પ્રભુ-સાક્ષીએ મિચ્છામિ દુક્કડમ્ આપવો. દેવ-ગુરુની કેવી-કેવી આશાતનાઓ કરી એમને પણ યાદ કરીને મિચ્છામિ-દુક્કડમ્ આપવો. સાથે જ ભવિષ્યમાં ભૂલોને સુધારીને સારું વર્તન કરવાનો સ્વભાવ બનાવવાનો નિર્ણય કરવો.
- ત્રણ દિવસ બેઠા-બેઠા સુકૃત-અનુમોદના પણ કરી શકાય છે. જેમ કે આ સમયે કોઈ નવ્વાણુ યાત્રા કરી રહ્યાં હશે. કોઈ પરમાત્માની અહોભાવથી ભક્તિ કરી રહ્યા હશે, કોઈ પ્રભુની આંગી રચાવી રહ્યા હશે, કોઈ ભાવપૂર્વક પ્રભુની સ્તવના કરી રહ્યા હશે. કોઈ ઉપધાનમાં વિરતિ ધર્મની સાથે નવકાર-મંત્રની આરાધના કરી રહ્યા હશે. કોઈ તપસ્યા કરી રહ્યાં હશે, કોઈ નાના-મોટા છરી પાલિત સંઘ કાઢી રહ્યા હશે, કોઈ સાધર્મિક ભક્તિનો અપૂર્વ લાભ લઈ રહ્યા હશે, કોઈ મહાત્મા ઈર્યાસમિતિપૂર્વક ચાલી રહ્યા હશે. કોઈ મહાત્મા ઠંડી-ગરમી સહન કરી રહ્યા હશે, કોઈ મારા પ્રભુની આજ્ઞાનુસાર અતિશુદ્ધ ચારિત્ર-ધર્મનું પાલન કરી રહ્યા હશે. કોઈ મહાવિદેહના સાધુ પરિષહો-ઉપસર્ગોને સમભાવથી સહન કરી ઘાતિ-અઘાતિ કર્મોનો ક્ષય કરી મોક્ષમાં જઈ રહ્યા હશે.
આ પ્રમાણે પ્રત્યેક અનુષ્ઠાનોને પોતાના કલ્પનાપટ ઉપર લાવીને અત્યંત અહોભાવથી નમસ્કાર કરીને તે વખતે મનમાં ને મનમાં એ સુકૃતોની અનુમોદના કરવી. આ પ્રમાણે ત્રણ દિવસ સુધી જો ચિંતન કરવામાં આવે તો એ ચિંતનના માધ્યમથી આખા પરિવારમાં એક નવી બહાર આવી શકે છે. તેમજ બધા પાપોથી બચી શકાય છે. પરંતુ એના માટે મનમાં દૃઢતાપૂર્વક નિર્ણય કરવો પડશે કે હું
| SR No. | 006050 |
| Book Title | Jainism Course Part 04 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 222 |
| Language | Gujarati |
| Classification | Book_Gujarati |
| File Size | 10 MB |