________________
જયણા આ નવમાસ દરમ્યાન તું ભૂલથી પણ અબ્રહ્મનું સેવન ન કરતી. દિવ્યાઃ મમ્મીજી બીજી વાતો તો બરાબર છે પણ અબ્રહ્મથી ગર્ભસ્થ શિશુને શું લેવાદેવા? જયણાઃ બેટા ! આ બહુ જ મહત્ત્વપૂર્ણ વાત છે. પણ આજકાલની મોર્ડન સ્ત્રીઓ ઉપર મૉડર્નિટિનું એવું ભૂત સવાર થઈ ગયું છે કે તે આ વાતને એટલી ગંભીરતાપૂર્વક નથી વિચારતી. પરંતુ દિવ્યા ! ગર્ભસ્થ સ્ત્રી જ્યારે-જયારે પણ પતિની સાથે અબ્રહ્મનું સેવન કરે છે, ત્યારે ત્યારે ગર્ભમાં રહેલા બાળકને હથોડીના માર જેટલી પીડા સહન કરવી પડે છે. એટલા માટે તો પ્રાચીનકાળથી પ્રથમ પ્રસૂતિના સમયે પિયર મોકલવાની પ્રથા આજે પણ ચાલી આવે છે. જેથી સહજતાથી બ્રહ્મચર્યનું પાલન થઈ જાય છે.
જ્યારે ઘણા દિવસો પછી પતિ પોતાની પત્નીને મળવા પિયરમાં આવે ત્યારે પતિને જોઈને પત્નીને જે આનંદ અને તાજગીનો અહેસાસ થાય છે, તે સીધો ગર્ભસ્થ શિશુમાં સ્થાનાંતરિત થઈ જાય છે. ક્યારેક માની લો કે સગર્ભા સ્ત્રી સાસરે જ રહીને પોતાના માતૃત્વથી ગર્ભમાં પોષાઈ રહેલા સંતાનના પોષણ માટે પોતાની પૂરી શક્તિ લગાવી રહી હોય, ત્યારે એના પતિએ પણ અબ્રહ્મનું સેવન કરીને પોતાની પત્નીની શક્તિ નાશ કરવાનું અકાર્ય કદાપિ ન કરવું જોઈએ. સાથે જ એમણે દેહસંબંધ કરતા સમયે પણ પૂર્ણ સાવધાની રાખવી જોઈએ. નહીંતર એની અસર ગર્ભસ્થ શિશુ ઉપર પડે છે. દિવ્યાઃ મમ્મીજી! મેં ક્યારેય સપનામાં પણ વિચાર્યું ન હતું કે આવું અકાર્ય કરવાથી મારા બાળકને આટલી પીડા થશે. સાચ્ચે જૂની પ્રથાઓનું કેટલું બધું મહત્ત્વ હોય છે. તમે મને સહી સમય ઉપર યોગ્ય હિતશિક્ષા આપી. હું અને મોહિત આ વાતનું પૂર્ણપણે પાલન કરીશું. (જયણાએ કેટલું વાત્સલ્ય આપ્યું હશે દિવ્યાને કે જીવનના આ મહત્ત્વના વળાંકમાં દિવ્યાને કોઈ ડૉક્ટરની પાસે ન જતા પોતાની સાસુમોની પાસેથી ઉકેલ લેવો વધારે લાભદાયી લાગ્યું. સાથે જ દિવ્યાએ પણ પોતાની સાસુમાઁ સાથે કેટલો સમર્પણભર્યો વ્યવહાર કર્યો હશે કે અંગત જિંદગીથી જોડાયેલા આવા સવાલોનો જવાબ આપતા પણ જયણાને હિચકિચાહટ મહસૂસ ન થઈ.) દિવ્યા પરંતુ મમ્મીજી! આપે દેહસંબંધ કરતાં સમયે જે સાવધાનીની વાત કહી છે. તમારી આ વાત ઉપર મને તો વિશ્વાસ થઈ ગયો છે, પરંતુ લોકો આ વાતને માને એ બહુ જ મુશ્કેલ છે. માટે કોઈ પ્રમાણ હોય તો બતાવો? દિવ્યા દિવ્યા! પતિની સાથે દેહસંબંધના ક્ષણોમાં કરેલી ભૂલની કેટલી ઉંડી અસર ગર્ભમાં પોષાઈ રહેલા બાળક ઉપર પડે છે. એ પ્રાચીન તેમજ વર્તમાનની ઘણી ઘટનાઓ દ્વારા આપણે જોઈ શકીએ છીએ. જેથી નક્કી થાય છે કે સગર્ભા સ્ત્રીની નાની ભૂલનો પણ ગર્ભ ઉપર ખરાબ પ્રભાવ પડે છે.