Page Text
________________
સુસંસ્કારિત બનીને સ્વ-પર કલ્યાણ કરે. પોતાની આ જ શંકાઓ અને જિજ્ઞાસાઓનું સમાધાન પ્રાપ્ત કરવા માટે એક દિવસ - દિવ્યાઃ મમ્મીજી ! જો આપની પાસે સમય હોય તો મારે તમને થોડીક વાતો કરવી છે. જયણાઃ અરે બેટા ! એમાં સમયની શું વાત છે? બેસ અને બોલ શું વાત છે? દિવ્યાઃ મમ્મીજી! મોક્ષા દીદીના જીવનને જોઈને એવો વિચાર આવે છે કે આપે એમને કેવા સંસ્કાર આપ્યા હશે કે આજે સાસરીયામાં એ બધાની પ્રિય છે. મમ્મી મારી પણ એ ઇચ્છા છે કે ભવિષ્યમાં મારી સંતાન પણ એવી બને. માટે મારા મનમાં એ જિજ્ઞાસા છે કે ગર્ભસ્થ શિશુને સંસ્કાર કેવી રીતે આપવા? જયણાઃ બેટા ! તારી આ જિજ્ઞાસા બહુ જ સારી છે. આજકાલ તો જન્મના પછી પણ માતા-પિતાને સંસ્કાર આપવાનો વિચાર નથી આવતો અને તું તો ગર્ભમાં રહેલા બાળકને સંસ્કાર આપવાની વાત કરી રહી છે. તે એકદમ જ સારા સમયે પ્રશ્ન કર્યો છે, કેમકે ગર્ભરૂપમાં રહેલા જીવ પર નવ માસ દરમ્યાન માતાની નાનામાં નાની હલચલનો ઉંડો પ્રભાવ પડે છે. આના આધારે કોઈ ભગવાન બને છે તો કોઈ શૈતાન કોઈ સ્થૂલિભદ્ર કે મયણા સુંદરી બને છે. તો કોઈ શાહરૂખ કે એશ્વર્યા. એટલે કે આ વાત માતા પર જ નિર્ભર છે કે ભવિષ્યમાં એમનો પુત્ર શું બને? દિવ્યાઃ મમ્મીજી ! જો આ વાત છે તો મારી પણ ઇચ્છા છે કે મારા ગર્ભમાં રહેલું બાળક સંસ્કારિતા બને. એના માટે મારે શું કરવું પડશે? મારે કઈ-કઈ વાતો ઉપર ધ્યાન આપવાનું રહેશે? એ બધું આપ મને બતાવો.' જયણા ગર્ભમાં વધી રહેલા બાળકને સંસ્કારિત બનાવવા માટે માતાનો આચાર, વિચાર, વ્યવહાર વગેરે બધુ સારું હોવું જોઈએ. કેમકે આ બધી વાતોની અસર માતાના ગર્ભમાં રહેલા જીવ ઉપર અવ્યક્ત રૂપે પડે છે. માટે કહે છે કે માતા બનવાવાળી દરેક સ્ત્રીને, જેને એની સંતાન બહુ જ પ્રિય હોય એને ગર્ભાવસ્થાના નવ મહિનામાં કેટલીક ધાર્મિક તેમજ પ્રાકૃતિક વાતોનું ધ્યાન રાખવું જોઈએ. દિવ્યાઃ મમ્મીજી ! એ ધાર્મિક વાતો કઈ-કઈ છે? જયણાઃ બેટા ! નવ મહિના ધર્મમય વાતાવરણમાં વ્યતીત કરવા માટે તારે નીચેના નિયમોનું પાલન કરવાની કોશિશ કરવી પડશે. જેમકે – ૧. તું સવાલાખ અથવા જેટલો થઈ શકે તેટલો નમસ્કાર મહામંત્રનો જાપ કર. ૨. નિત્ય પરમાત્માની અષ્ટપ્રકારી પૂજા કરવી. તેમજ ત્રિકાલ ભક્તિ કરવી. ૩. સમય મળે ત્યારે ધાર્મિક સ્વાધ્યાય કરવો કે મહાપુરુષોના ચરિત્ર વાંચવા. જેથી તમારું બાળક
મહાપુરુષોની જેમ સંસ્કારિત બને.
| SR No. | 006049 |
| Book Title | Jainism Course Part 03 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 230 |
| Language | Gujarati |
| Classification | Book_Gujarati |
| File Size | 12 MB |