________________
પાઠશાળામાં જોડાય આ હેતુ થી સાંસ્કૃતિક પ્રોગ્રામ રાખવા. જૈનિજમ કોર્સના વિદ્યાર્થી અથવા
પ્રતિનિધિ બનીને એનો પ્રચાર કરવો આ બધું પણ જ્ઞાનની આરાધનાની અંતર્ગત આવે છે. જ્ઞાનની આશાતનાથી બચવું -
શાસનના કોઈ પણ કાર્યક્રમના પ્રચારનું મુખ્ય સાધન છે પત્રિકા. આના માધ્યમથી લોકો વધારે માં વધારે કાર્યક્રમમાં જોડાય છે. અને આનાથી શાસનની પ્રભાવના થાય છે. પરંતુ આજકાલ પત્રિકાનું આ મુખ્ય ઉદ્દેશ્ય લુપ્ત થઈને લોકરંજનનુ નવું ઉદ્દેશ્ય આવી ગયું છે. સામાન્યથી જે સમાચાર ૧૦ રૂ. ની પત્રિકામાં પ્રસારિત થઈ શકે છે. આજકાલ એ જ સમાચાર ૧૦૦ રૂ. ની પત્રિકાના માધ્યમથી પ્રસારિત થઈ રહ્યા છે. આ વાત અત્યંત વિચારણીય છે કે અમે પરમાત્માની આજ્ઞાને કચડીને લોકોને ખુશ કરવા જેવા અકાર્ય કરી રહ્યા છીએ. આનાથી કેટલું નુકશાન ઉઠાવવું પડે છે. જ્ઞાનની આશાતના થાય છે કારણ કે સામાન્યતઃ કોઈપણ વ્યક્તિ પોતાના ઘરમાં પત્રિકાનો ભાર રાખવા માટે તૈયાર હોતો નથી. અને એ પત્રિકાઓને જ્યાં-ત્યાં ફેંકી દે છે. એનાથી જ્ઞાનની આશાતના થાય છે અને પરમાત્માની આજ્ઞા ભંગનું પણ પાપ લાગે છે. અને આ જ રાશિ જો પાઠશાળામાં લગાવા મા આવે તો કેટલાય બાળકોના જ્ઞાનોપાર્જનનો લાભ તમે લઈ શકો છો. જેનાથી તમારા જ્ઞાનાવરણીય કર્મોનો ક્ષય થાય છે.
બને ત્યાં સુધી પત્રિકામાં ફોટો ન છપાવવા. પત્રિકાઓ અથવા પેપરોને પરઠતી વખતે એમાં રહેલા પંચેન્દ્રિય જીવના ફોટો અલગથી ફાડીને પછી પરઠવા જોઈએ. ફોટો વગેરે હોય તો તેના ટુકડા ન કરવા. ફોટો અલગથી પરઠવા. અન્યથા જ્ઞાનની આશાતનાની સાથે પંચેન્દ્રિય જીવની હત્યાનું પાપ પણ લાગે છે. પત્રિકાઓ અથવા પેપર્સને નિર્જીવ સ્થાન અને જ્યાં કોઈનો પગ ન પડે એવી જગ્યા પર, ખાડામાં પરઠીને (નાંખીને) એની ઉપર ધૂળ નાખી દેવી જોઈએ. જેથી કોઈ એની ઉપર ચાલીને અથવા અશુચિ કરીને આશાતના ન કરે. આચાર્ય આદિ જ્ઞાનીનો અવિનય, આશાતના કરવાથી, અકાલમાં (અસમય માં) વાંચવાથી અથવા કાલમાં (વાંચવાને માટે નિર્ધારિત સમય પર) નહિ વાંચવાથી જ્ઞાનની આશાતના થાય છે. ચોપડીના પાના પલટાવા માટે, નોટ વગેરે ગણવા માટે અને ટિકિટ વગેરે ચોંટાડવા માટે ઘૂંક નો ઉપયોગ ન કરવો.