________________
દક્ષ થેંક્સ દીદી ! હું આ બધી વાતોનું ધ્યાન રાખીશ.
(અને સાથે જ મોક્ષાએ દક્ષને ગર્ભાવસ્થામાં એને કઈ રીતે ખુશ રાખવી, એની દરેક ઇચ્છા પૂરી કરવી વગેરેના વિષે પણ બતાવ્યું. દક્ષ પણ સમજદાર હતો, માટે બધા મનમુટાવોને ભૂલીને એ વિધિને લેવા આવ્યો અને વિધિ પણ ખુશી-ખુશીથી એની સાથે ચાલી ગઈ. આઠ-દસ દિવસ તો આમ જ હસતાં-રમતાં ગુજરી ગયા. એક દિવસ વિધિએ ચા માં ભૂલથી ડબલ સાકર નાખી દીધી, અને એજ દિવસ ઓફિસથી થાકેલો આવવાને કારણે દક્ષ પહેલેથી જ ગુસ્સામાં હતો. ચાનો ઘૂંટડો લેતાં જ 7) દક્ષઃ હે ભગવાન ! તારાથી સારું તો કોઈ ગંવારથી લગ્ન કર્યા હોત તો ઢંગનું ખાવાનું નહીં, પણ ઢંગની ચા તો પીવડાવતી. (વિધિને પણ આ વાત ઉપર ગુસ્સો આવ્યો. પણ સંયોગવશાત્ એને પોતાની ભાભીની હિતશિક્ષા યાદ આવી ગઈ અને એણે પોતાના ગુસ્સાને કંટ્રોલ કરીને –). વિધિ: ઠીક જ કહ્યું તમે, એક તમે જ છો જે મને સંભાળી રહ્યા છો. ક્યાંક બીજે ગઈ હોત તો
ક્યારનીય ધક્કા મારીને બહાર કાઢી દીધી હોત. (વિધિના આ અનપેક્ષિત જવાબને સાંભળીને દક્ષના આશ્ચર્યનો પાર રહ્યો નહીં.) . દક્ષ: આ તુ શું બોલી રહી છે? વિધિઃ હાં, અને હું માનું પણ છું. (આટલું કહેતાં જ વિધિ રડી પડી) દક્ષઃ અરે વિધિ, તું રડે છે? વિધિ ! હું નહીં, તું છે જે મારા જેવા ખરાબ સ્વભાવવાળાને સંભાળી રહી છે, કોઈ બીજી હોત તો મારાથી કંટાળીને ક્યારની પિયર જતી રહી હોત. (આટલું કહીને દક્ષ પણ રડી પડ્યો. પછી દક્ષ અને વિધિ બંને પોતાના કર્યા ઉપર માફી માંગી. અને સાંજે મોક્ષાએ વિધિને ફોન કર્યો.) વિધિઃ થેંક્સ ભાભી ! તમારી આપેલી સલાહથી આજે એક જ દિવસમાં અમારા ઘરમાં પરિવર્તન આવી ગયું. અમારા જીવનમાં ખુશીઓ જ ખુશીઓ આવી ગઈ.
(આટલું કહીને વિધિએ આખી ઘટના બતાવી. અને આગળ પણ મોક્ષાએ આપેલી હિતશિક્ષાનું પૂર્ણપણે પાલન કરવાનો વાયદો કર્યો. એટલું જ નહી એ દિવસથી વિધિ રોજ પોતાના સાસુ-સસરાને મળવા જતી અને એમની તબિયત એમની જરૂરિયાતોનું પણ ધ્યાન રાખતી વિધિમાં આવેલા પરિવર્તનથી એના સાસુ-સસરા પણ બહુ ખુશ થઈ ગયા. આ રીતે હસતાં-રમતાં વિધિ નવમા મહિને પહેલી ડિલીવરી માટે પોતાના પિયર ગઈ. દક્ષ પણ એને અનુકૂળતા પ્રમાણે મળવા આવતો. સમય વીતતાં વિધિએ એક દિકરીને જન્મ આપ્યો. દિકરીનું નામ “કૃપા' રાખ્યું. બે મહિના પછી વિધિ ફરીથી પોતાના સાસરે આવી. અને અહી મોક્ષાએ પણ ગર્ભ ધારણ કર્યો. નવ મહિના વીત્યા પછી એણે પણ એક દિકરીને