________________
વિધિઃ તમે તો મારા દિલને ઝંઝોળી દીધુ, ભાભી ! સમાજના સામે તમારા દ્વારા બતાવેલો ભયંકર સંઘર્ષ કરવા માટે હું ક્યારેય તૈયાર નથી. ભાભી ! હવે હું દક્ષની સાથે છૂટાછેડા નહી પણ સમજૂતી કરવા માંગું છું. તમે મને એ બતાવો કે જો આજથી હું કોમ્પિટીશન તેમજ અહંની ભાવનાને છોડી દઉં તો શું મારા અને દક્ષના વચ્ચે થવાવાળા તણાવ હંમેશા માટે બંધ થઈ જશે, શું અમે સુખેથી જીવી શકીશું? મોક્ષા નહીં વિધિ! મેં પહેલાં જ કહ્યું હતું કે કોમ્પિટીશનની ભાવનાની સાથે-સાથે અહં અને ભૂલ જોવાની દૃષ્ટિ પણ ઝઘડાની નાની ચિનગારીને દાવાનલ બનાવવામાં પેટ્રોલનું કામ કરે છે. વિધિ એ કેવી રીતે ભાભી? મોક્ષાઃ હું સીધા પોઇંટ ઉપર આવું છું. લગ્ન પછી પતિ-પત્ની એકબીજાના માટે બહુ ઉપયોગી બને છે, જેમ પતિના ઘરને સંભાળવું, ઘરમાં આવવાવાળા મહેમાનોનું સ્વાગત કરવું, પતિની દરેક ઇચ્છા પૂરી કરવી. છતાં પણ માની લો કે જો પત્નીથી ચા ફીકી બની જાય કે એવી કોઈપણ નાનીમોટી ભૂલ થઈ જાય તો આ બધા પ્રસંગોની પતિના દિમાગમાં ટેપરેકોર્ડિંગ થતી રહે છે. પછી જયારે પણ કોઈ ભૂલ થઈ જાય ત્યારે ટેપના પ્લેનું બટન દબાઈ જાય છે અને પહેલાથી ટેપ શરૂ થઈ જાય છે. એવામાં સહનશીલતાની કમી ને લીધે પત્ની પણ પતિના ભૂલોની પોતાની કેસેટ શરૂ કરી લે છે. વિધિઃ ભાભી! તમે જે કહ્યું તેનો મેં સાક્ષાત પોતાના જીવનમાં અનુભવ પણ કર્યો છે. દક્ષે મને દરેક પ્રકારની ખુશી આપી પણ એ દિવસે પિશ્ચર જોવા જવાની એની એક ભૂલ, આમ તો એ પણ વાસ્તવિક ભૂલ નહતી. છતાં પણ હું આજસુધી એને ગાઈ રહી છું. આવી તો કેટલીય વાતો છે ભાભી ! હવે આ દોષ દૃષ્ટિને બદલવા માટે હું શું કરું? મનને કેવી રીતે સમજાવું? ભાભી સામેવાળો ભૂલ કરે તો એને કહ્યા વિના પણ નથી રહી શકાતું. એના માટે શો ઉપાય કરું? મોક્ષા જો આઈનો અને કેમેરો બને જ દશ્યને પોતાનામાં પ્રતિબિંબિત કરે છે. પરંતુ ફરક એટલો જ છે કે આઈનો સામેથી દશ્ય હટતાં જ પૂર્વવત્ થઈ જાય છે. પરંતુ કેમેરો એક વખત જે દેશ્યને પોતાની રીલમાં ફીટ કરી લે છે, પછી ચાહે એ દશ્ય ત્યાંથી દૂર પણ થઈ જાય તો પણ એ ફોટામાં પોતાનું અસ્તિત્વ બનાવી રાખે છે. ઠીક એ જ પ્રમાણે આપણું દિલ પણ બે પ્રકારનું હોય છે. કાં તો આઈના જેવું કાં તો કેમેરા જેવું. જો દિલમાં પ્રસંગ પૂરો થતાં જ ભૂલનું દશ્ય ખતમ થઈ જાય તો એ દિલ આઈના જેવું છે, તેમજ જે દિલમાં પ્રસંગ વીત્યા પછી પણ ભૂલનો ફોટો કાયમ રહે તો સમજી લેવું કે આપણું દિલ કેમેરા જેવું છે. જો દિલને કેમેરાની જેમ બનાવ્યું તો બીજાની ભૂલ તારા દિલમાં કાંટાની જેમ ચૂભતી રહેશે, જે તને શાંતિથી જીવવા નહી દે. આનાથી ઉલટું જો પોતાના દિલને આઈના જેવું બનાવીશ તો સમસ્યાઓ તારાથી સો પગલાં દૂર ભાગશે.