Page Text
________________
વિધિ : ખબર છે, તમારી મમ્મી, પપ્પાને કહી રહી હતી કે વહુ બહુ જ મોડેથી ઉઠે છે આજે વહુએ ગુસ્સામાં શાકમાં મીઠું વધારે નાંખી દીધું. વહુ પિયર જઈને આપણી નિંદા કરે છે. મહારાણી બનીને આવી હોય એવો વ્યવહાર કરે છે. તમારા મમ્મી-પપ્પા આજુ-બાજુના લોકોને મારી વાતો કરતા ફરે છે. જેના કા૨ણે મારે બાહર આવવા-જવાનું જ બંધ થઈ ગયું છે. ઘરમાં આમના તાણા સાંભળો અને બહાર જાઓ તો લોકોના. તમે જ બતાવો શું હું એટલી ખરાબ છું ? તમે કશું બોલતા કેમ નથી ? (દક્ષ શું કરે, કોના પક્ષમાં બોલે, આવા સમયમાં એને મૌન રહેવું જ વધારે શ્રેષ્ઠ લાગ્યું. કેમકે એને ખબર હતી કે જે હદ સુધી વિધિ વધારીને બતાવી રહી છે. એના માતા-પિતા એવા નથી. પરંતુ વિધિની આગળ દક્ષની એક પણ ચાલતી નહોતી !
એક દિવસ વૃદ્ધાવસ્થાને કા૨ણે દક્ષના પિતાજીને દાંતમાં દર્દ થવા લાગ્યું. તેઓ ડૉ.ને બતાવવા ગયા. ડૉ. એમની દાઢ ખરાબ હોવાને કારણે કાઢી દીધી અને એમને ગરમ-ગરમ સીરો ખાવાની સલાહ આપી. દક્ષની મમ્મીની તબિયત ખરાબ હોવાના કારણે તેઓ સૂઈ રહ્યા હતા. સુધીર વિધિથી એટલો ડરતો હતો કે એ વિધિને સીરો બનાવવા વિશે કંઈ કહી શક્યા નહી. માટે એમણે દક્ષને વાત કરી.)
સુધીરઃ બેટા ! આજે ડૉક્ટરે દાઢ કાઢી છે માટે મને શીરો ખાવાનું કહ્યું છે. તારી મમ્મીની તબિયત ઠીક નથી માટે તું જરા વિધિને કહે કે એ શીરો બનાવી દે.
(દક્ષ વિધિને કહેવા માટે પોતાના રૂમમાં ગયો.)
દક્ષ : વિધિ આજે પપ્પાએ દાઢ કઢાવી છે, માટે પપ્પા માટે થોડો શીરો બનાવી દે.
વિધિ : અરે ! આટલી ઉંમર થઈ ગઈ હજુ સુધી શીરો ખાવાનો શોખ નથી ગયો. શીરો માંગતા પહેલા જરા ઉંમરનો તો ખ્યાલ કર્યો હોત. આમ પણ બળદની જેમ ખાઈ-પીને આટલા હટ્ટા-કટ્ટા થઈ ગયા છે. હવે વધારે શીરો ખાશે તો હાથી જેવા થઈ જશે. એમને કહી દો કે હવે આ બધું ખાવાનું છોડી દે. જો ખાવું જ હોય તો મમ્મીને કહી દો કે રસોડામાં જઈને બનાવી લે. પછી પોતે પણ ખાય અને તમારા બાપને પણ ખવડાવે હું ચાલી શોપીંગ કરવા. આમ પણ મારે બહું જ કામ છે. દિપાવલીના દિવસો નજીક આવી રહ્યા છે અને મારી બધી શોપિંગ પણ બાકી છે.
(વિધિની બધી વાતો હોલમાં બેઠેલા એના સાસુ-સસરાએ સાંભળી લીધી. હાર્ટ-એટેક આવી જાય એવા વિધિના શબ્દો સાંભળીને બંનેના આંખોમાંથી આંસુની ધારા વહેવા લાગી. જેવો જ દક્ષ પોતાની રૂમમાંથી બહાર આવ્યો અને હોલમાં પોતાના મા-બાપને રડતા જોઈને એને સ્થિતિને સમજતાં વાર ન લાગી કે મમ્મી-પપ્પાએ વિધિની બધી વાતો સાંભળી લીધી છે. દક્ષને જોતાં જ....) સુધીર ઃ બેટા દક્ષ ! મને ખબર છે કે તારી સ્થિતિ કેવી છે ? તું પણ એને કશું નથી કહી શકતો. બેટા !
159
| SR No. | 006049 |
| Book Title | Jainism Course Part 03 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 230 |
| Language | Gujarati |
| Classification | Book_Gujarati |
| File Size | 12 MB |