Page Text
________________
સાસરે ગયા પછી પણ વિધિ ઘણીવાર કિટી પાર્ટીમાં જતી હતી. એના સાસુ-સસરાને આ બિલકુલ પસંદ નહોતું. પણ તેઓ વિધિથી ડરતાં હતાં માટે તેઓ એને કંઈપણ કહેતા ન હતા. એક દિવસ વિધિની સાસુ શારદાની તબિયત ઠીક ન હતી, છતાં પણ વિધિ પોતાની સાસુને ઘરમાં એકલી છોડીને પાર્ટીમાં જતી રહી. ઘરે આવતાં-આવતાં રાત્રે ૯ વાગી ગયા જેવી એ ઘરે પહોંચી ત્યારે વિધિના સસરાજી) સુધીરઃ વહુ! આટલી રાત થઈ ગઈ, ક્યાંથી આવી રહી છો? કંઈ કહીને પણ નહોતી ગઈ? વિધિઃ હાં, હાં, ખબર જ હતી મને, મારા આવતાની સાથે મારી ઉપર આરોપ લગાવવાનું શરૂ થઈ જશે. સુધીર પણ બેટા ! હું તો એજ પૂછતો હતો કે આટલું મોડું થઈ ગયું, તું ક્યાં હતી? વિધિઃ એ જ તો, આવતાની સાથે જ મારી પૂછપરછ શરૂ કરી લીધી. ક્યાંથી આવું છું, ક્યાં જાઉં છું બધાનો હિસાબ આપું તમને? સુધીર: પણ બેટા ! હું તો એટલા માટે પૂછી રહ્યો હતો કે આજે તારી સાસુમાઁ ની તબિયત વધારે ખરાબ હતી. જો તારે ક્યાંય જવું હતું, તો મને કહી દીધું હોત તો હું ઓફિસથી જલ્દી આવી જાત. વિધિઃ સાસુમૉની તબિયત તો અવારનવાર ખરાબ થાય છે. એનો મતલબ એ થોડો છે કે હું બહાર આવવા જવાનું જ છોડી દઉં. આમ પણ આજે મારી બહુ ઇમ્પોર્ટન્ટ પાર્ટી હતી. અને મારું ત્યાં જવું જરૂરી હતું.
(વહુઓનું કર્તવ્ય હોય છે કે તે સાસુ-સસરાની સેવા કરે, પરંતુ વિધિ પોતાના આ કર્તવ્યને કર્તવ્ય નહી માનીને એને ભારરૂપ સમજતી હતી. એને પોતાના સાસુ-સસરાની સેવાથી વધારે બહાર હરવા-ફરવામાં દિલચસ્પી હતી. સાસુ-સસરા એને બોજ લાગતા હતા. માટે એ પોતાના સાસુસસરાથી અલગ થવા માંગતી હતી. દક્ષને પોતાના માતા-પિતાના પ્રત્યે બહુ જ અહોભાવ અને આદરભાવ હતો. માટે વિધિ પોતાનું કાર્ય સફળ કરવા માટે અવારનવાર નાની-નાની વાતો ઉપર ઝઘડા અને નાટક ઉભા કરી દેતી હતી. જેથી દક્ષ તંગ આવીને પોતાના માતા-પિતાને પોતાનાથી અલગ કરી દે અથવા સ્વયં પોતાના માતા-પિતાથી અલગ થઈ જાય.) (એટલામાં દક્ષ ઓફિસથી આવ્યો અને વિધિ દક્ષના આવતાની સાથે જ જોર-જોરથી રડવાનું નાટક કરવા લાગી.) વિધિઃ હે ભગવાન! મારી તો કિસ્મત જ ફૂટેલી છે. મારી કિસ્મતમાં તો બધાના મહેણાં જ સાંભળવાનું
લખ્યું છે. દક્ષઃ અરે ! આ શું હંગામો થઈ રહ્યો છે? તું કેમ રડે છે? પિતાજી, આ બધું શું થઈ રહ્યું છે? કંઈક તો બતાવો.
| SR No. | 006049 |
| Book Title | Jainism Course Part 03 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 230 |
| Language | Gujarati |
| Classification | Book_Gujarati |
| File Size | 12 MB |