________________
૧૩. જયારે પણ ઘરેથી ગાડી લઈને બહારગામ કે તીર્થયાત્રા પર જવા માટે નીકળી રહ્યા હોય, ત્યારે મ.સા.ને રસ્તામાં જુઓ ત્યારે અવશ્ય ગાડી રોકીને એમને ગોચરી, દવા વગેરે કોઈપણ કામ-કાજ માટે પૂછવું જોઈએ. રસ્તામાં કોઈપણ તકલીફ વગેરેમાં પણ તમે સહાયક બની શકો છો. જરૂર પડે તો પોતાનું કામ ગૌણ કરીને પણ મ.સા.નું કોઈ કામ હોય તો એ કરવાથી ખૂબ લાભ મળે છે.
૧૪. બાળકોને બાળપણથી જ મ.સા.ને ગોચરી માટે બોલાવવા મોકલવા જોઈએ. એનાથી બાળપણમાં જ એમનામાં આવા સંસ્કાર પડે છે. રાજકોટમાં એક ૬ વર્ષનો છોકરો મ.સા.ને ગોચરી માટે બોલાવવા આવ્યો. મહારાજ સાહેબે એના ઘરે આવવાની ના પાડી. એટલે એ ખૂબ આગ્રહ કરવા લાગ્યો. મ.સા.ના પાતરા પકડી લીધા. મ.સાહેબે કહ્યું તું આટલો આગ્રહ કૅમ કરે છે? ત્યારે એણે કહ્યું મ.સાહેબ જો હું આપને ગોચરીને માટે બોલાવવા આવું, તો મારી મમ્મી મને ૩ રૂપિયા આપે છે. અને જો આપને સાથે લઈ જાઉં તો મારી મમ્મી મને ૬ રૂપિયા આપે છે.
દૃષ્ટાંત એક વખત માઁ એ છોકરાને મ.સા.ને ગોચરી માટે બોલાવવા મોકલ્યો. છોકરો ઉપાશ્રયમાં આવ્યો. અને મ.સા.ને ગોચરી માટે પધારવાનું કહ્યું. મ.સાહેબે કહ્યું કે “ગોચરીવાળા મ.સા. તો નીકળી ગયા છે.” ત્યારે છોકરાએ કહ્યું કે “તો પછી આપની સાથે જે સાધર્મિક છે એમને ભોજન માટે મોકલી દો.' મ.સાહેબે કહ્યું “તેઓ પણ ચાલ્યા ગયા છે.' પછી છોકરાએ મ.સાહેબને કહ્યું તો પછી ડોળી ઉઠાવવાવાળા વગેરે આપની સાથે જે પણ પુરુષ કે સ્ત્રી હોય એમને મોકલી દો.” મ.સાહેબે કહ્યું તેઓ પણ ચાલ્યા ગયા છે.” આ સાંભળીને છોકરો ઉદાસ થઈ ગયો. એટલામાં એણે ત્યાં એક કૂતરો જોયો અને ખુશ થતાં પૂછ્યું મ.સા. “આ કૂતરો આપનો છે?' મ.સાહેબે કહ્યું કે “અમારો નથી પણ અમારી સાથે વિહારમાં ચાલે છે. તો એણે કહ્યું, “આ કૂતરાને તો મોકલી જ દો.” મ.સાહેબે કહ્યું આવતો હોય તો લઈ જા.” તે કૂતરાની પાસે જઈને એણે ચાલવાનું કહેવા લાગ્યો. પરંતુ કૂતરો ન ગયો, ત્યારે મ.સાહેબે કહ્યું – “ભાઈ એ કહેવાથી ચાલવાનો નથી. એના માટે તો ખાવાનું અહીંયા લાવવું પડશે. તરત તે છોકરો હસતો હસતો ગયો અને થોડીક જ વારમાં ૧૦-૧૫ પેંડા લઈ આવ્યો. બહુ પ્રેમથી એ કૂતરાને ખવડાવવા લાગ્યો. મ.સા. તો જોતાં જ રહી ગયા. મ.સાહેબે કહ્યું “આ તો કૂતરો છે, એના માટે રોટલી લાવી હોત તો પણ ચાલત.” ત્યારે છોકરાએ કહ્યું. “મારી મમ્મીએ કહ્યું છે કે મ.સા.ની સાથે ચાલવાવાળા કૂતરાનો પણ લાભ આપણા ભાગ્યમાં ક્યાંથી? માટે એને પણ બહું આદરથી પેટ ભરીને મિઠાઈ જ ખવડાવવી જોઈએ.” આવા ભાવ પ્રત્યેક શ્રાવક શ્રાવિકાના દિલમાં હોવા જોઈએ.