________________
ગુરુ મહારાજને આવતાં જોઈને કાચા પાણીનો લોટો, કાચા પાણીની બાલ્ટી તથા લીલોતરી વગેરે એમના નિમિત્તથી એક જગ્યાએથી બીજી જગ્યાએ ન રાખવી. તેમજ એ બધાનો સ્પર્શ પણ ન કરવો. નહીંતર સચિત્તના સંઘટ્ટાનો દોષ લાગે છે. ફ્રીઝ ખોલીને કશું કાઢવું નહીં. અચિત્ત ફૂટ વગેરે તેમજ દૂધ વગેરેને કાચા પાણીના માટલા અથવા ફ્રીઝ ઉપર ન રાખવું. મ.સા.ને વહોરાવવા માટે કાચા પાણીથી હાથ ધોવા નહી. તથા વહોરાવ્યા પછી પણ કાચા પાણીથી હાથ ધોવા ન જોઈએ. કુકરને ગેસથી નીચે ઉતાર્યા પછી એની નીચે રહેલું પાણી રાખી લેવું. પછી જો હાથ અચિત્ત વસ્તુથી ખરાબ થાય અને ધોવાની જરૂર હોય, તો એ પાણી અચિત્ત હોવાથી એનાથી હાથ ધોઈને વહોરાવી શકીએ છીએ. અને વહોરાવ્યા પછી પણ હાથ વગેરે એ કુકરના પાણીથી ધોઈ શકીએ છીએ. . અડધી કાચી-પાકી સીજેલી કાકડી ટીંડોળા, ભીંડા, વગેરે મ.સા. માટે અકથ્ય છે. ફૂટ વગેરે સચિત્ત વસ્તુને સુધાર્યા પછી ૪૮ મિનિટથઈ કે નહી એનો ઉપયોગ રાખીને વહોરાવવું. વહોરાવતા સમયે દૂધ-ઘી વગેરેના છાંટા નીચે નહી પડવા જોઈએ. છાંટા પડવા પર છર્દિત દોષ લાગે છે. માટે પહેલા ઠોસ (કઠણ) વસ્તુ વહોરાવ્યા પછી તરલ વસ્તુ વહોરાવવી જોઈએ.
જો પહેલા જ છાંટા પડી જાય તો મ.સા. કંઈપણ વહોર્યા વગર જ ચાલ્યા જાય. - છર્દિત દોષથી બચવા માટે પાત્રા રાખવાની જગ્યાએ થાળી કે પાટિયુ વગેરે લગાવવામાં આવે
છે. જેથી જમીન પર કોઈ છાંટા ન પડે. પછી એ થાળીનો ઉપયોગ ખાવા માટે કરી લેવો જોઈએ. છત દોષ પર દષ્ટાંતઃ એકવાર સાધુ ભગવંત ગોચરી વહોરવા માટે ગયા. શ્રાવકના હાથે દૂધનો છાંટો જમીન પર પડી ગયો, જેથી મ.સા. વગર વહોર્વે જ પાછા ફરી ગયા. સામે મંત્રી ઝરોખામાંથી આ જોઈ રહ્યા હતા. એમણે વિચાર કર્યો કે એક છાંટો પડવાથી શો દોષ લાગે છે? એટલામાં તો દૂધથી કીડીઓ આવી, કીડીઓની પાછળ માખીઓ, એની પાછળ ગરોળી, બિલાડી, કુતરો, કુતરાનો માલિક આવ્યો, અંતમાં કુતરાના માલિકોની વચ્ચે ઘમાસાણ યુદ્ધ થયું. એથી મંત્રી સમજી ગયા એક છાંટાની પાછળ કેટલી વિરાધના થઈ શકે છે. જૈન
ધર્મની સૂક્ષ્મતાને જોતા એમણે જૈન ધર્મ અંગીકાર કર્યો. ગોચરીમાં ઉપયોગ રાખવા સંબંધી કેટલીક વાતો:
૧. સાધુ ભગવંતોને શુદ્ધ તેમજ નિર્દોષ આહાર પાણીનો લાભ મળે એ હેતુથી શ્રાવક-શ્રાવિકાએ જ્યારે સાધુ-સંત ગામમાં હોય ત્યારે કાચુ પાણી, સચિત્ત તેમજ રાત્રિભોજનનો ત્યાગ કરવો જોઈએ.