Page Text
________________
૨૫૦ માંથી ૨૦૪ દેવતા સંબંધી તેમજ ૪૬ ઇન્દ્રાણી સંબંધી અભિષેક છે.
પ્રથમ ૨૪૯ અભિષેક થઈ ગયા પછી ઇશાનેન્દ્ર સૌધર્મેન્દ્રને કહે છે કે ‘‘પ્રભુજીને ક્ષણ ભર માટે મને આપો.’’ એ સમયે ઇશાનેન્દ્રના ખોળામાં પ્રભુને બેસાડીને સૌધર્મેન્દ્ર ભક્તિથી વૃષભનું (બળદ) રૂપ ધારણ કરીને શીંગડામાં કળશનું પાણી ભરીને ૨૫૦ મો અભિષેક કરે છે. ઇન્દ્ર પ્રભુની સામે વૃષભનું રૂપ ધારણ કરીને પ્રભુની આગળ સ્વયંને પશુતુલ્ય બતાવે છે. પ્રભુના કલ્યાણકના સમયમાં વિશિષ્ટ પ્રકારનું વિશ્વમંગલ થાય છે. આરતી તેમજ મંગલદીપક કરી પુનઃ પ્રભુનો જયજયકાર અને ભેરી-ભુંગલ તેમજ તાળીઓ વગાડતાં-વગાડતાં પ્રભુને હાથમાં લઈને પ્રભુના ઘરે આવીને માતાને પુત્ર અર્પણ કરે છે. પછી માતાને કહે છે કે ‘‘હે માતા ! આ પ્રભુ આપના પુત્ર છે તેમજ અમારા જેવા સેવકના સ્વામી છે. ત્યારે સૌધર્મેન્દ્ર રમ્યા વગેરે પાંચ ઇન્દ્રાણીઓને પ્રભુના લાલન-પાલન માટે ધાવ-માતાના રૂપમાં સ્થાપિત કરે છે. ત્યાં બત્રીસ ક્રોડ સોના, મણિ-માણેક રત્ન વગેરેની વૃષ્ટિ કરે છે. તેમજ હર્ષના અતિરેકમાં નંદીશ્વર દ્વીપમાં અઠ્ઠાઈ મહોત્સવ કરી પોતાના નિવાસસ્થાને ચાલ્યા જાય છે. ત્યાં ભગવાન ક્યારે દીક્ષા લેશે અને કેવળજ્ઞાન પ્રાપ્ત કરશે, એની પ્રતિક્ષા કરતાં હંમેશા પ્રભુના ગુણગાન કરતા રહે છે.
તપાગચ્છના નાયક સિંહ સૂરીશ્વરજીના મોટા શિષ્ય પન્યાસ સત્યવિજયજી થયા. એમના શિષ્ય કપૂરવિજયજી, એમના શિષ્ય ક્ષમાવિજયજી, એમના શિષ્ય યશોવિજયજી, એમના શિષ્ય શુભવિજયજી, અને એમના શિષ્ય પં. વીરવિજયજીએ આ જિન-જન્મ મહોત્સવ ગાયો છે.
ઉત્કૃષ્ટથી ૧૭૦ભગવાન વિચરણ કરતાં મળે છે. વર્તમાનમાં વીસ વિહરમાન છે. ભૂતકાળ તેમજ ભવિષ્યમાં અનેક તીર્થંકર થયા છે તેમજ થશે. એ બધા તીર્થંકર પરમાત્માનો જન્મ કલ્યાણક ગાય છે તે તથા કર્તા શ્રી વીરવિજયજી મહારાજ આનંદમંગલ યુક્ત અતિ સુખને પામે છે અને પ્રત્યેક ઘરમાં હર્ષની વધામણી થાય છે.
વીણેલા મોતી
‘આપવું’ તેનું નામ દાન નહિ, ‘છોડવું’ તેનું નામ દાન. ઘનના મમત્વ સાથે નામનું મમત્વ પણ છૂટે એ સાચું દાન. ધન છૂટી જાય, પરંતુ ‘મેં છોડયું છે’ એ ન છૂટે તો ? નામ માટે દાન આપવું તે દાનનું અજીર્ણ છે. દાન કરવાથી ધર્મ ન થાય, દાન પચે તો ઘર્મ થાય.
122
| SR No. | 006049 |
| Book Title | Jainism Course Part 03 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 230 |
| Language | Gujarati |
| Classification | Book_Gujarati |
| File Size | 12 MB |