Jainism Course Part 03

SR No.: 006049
Original Sutra Author: N/A
Author: Maniprabhashreeji
Publisher: Adinath Rajendra Jain Shwetambara Pedhi
Publication Year: 2011
Total Pages: 230
Language: Gujarati
Classification: Book_Gujarati
File Size: 12 MB

Page 151

જિન જન્મયાજી. એ સમયે ૬૪ ઇન્દ્રોના સિંહાસન કમ્પાયમાન થાય છે. અવધિજ્ઞાનથી ઇન્દ્ર પ્રભુના જન્મને જાણે છે.
અવધિજ્ઞાનથી ભગવાનના જન્મને જાણીને બધા ઇન્દ્ર પોત-પોતાના અધિકારવાળા બધા વિમાનોમાં સંભળાય એવો મોટો સુઘોષા ઘંટ વગડાવે છે. આ ઘંટ-નાદથી બધા વિમાનોની નાનીનાની ઘંટડીઓ વાગવા લાગે છે. આ ઘંટડીઓના નાદમાં પ્રભુનો મેરુ પર્વત ઉપર જન્મ મહોત્સવ કરવા જવાની ઘોષણા થાય છે. તેથી બધા દેવી-દેવતા મેરુ પર્વતની તરફ ગમન કરે છે. આ ઘંટની મધુર ધ્વનિથી બધાને અહનંદનો અનુભવ થાય છે.
દિશિનાયકજીઃ આખો અઢી દ્વીપ ૫ સીતા અને ૫ સીતાદા નદીઓના કારણે દક્ષિણાર્ધ તેમજ ઉત્તરાર્ધ આ બે ભાગોમાં વહેંચાઈ જાય છે. જ્યારે ઉત્તરાર્ધની ૮૫ વિજયોમાં પ્રભુનો જન્મ થાય છે. ત્યારે તે દિશાના નાયક ઈશાનેન્દ્રજન્મ મહોત્સવના અધિકારી બને છે અને જ્યારે દક્ષિણાર્ધની ૮૫ વિજયોમાં પ્રભુનો જન્મ થાય છે ત્યારે તે દિશાના નાયક સૌધર્મેન્દ્ર પ્રભુના જન્માભિષેકના અધિકારી બને છે.
એમ સાંભળીજી: સુઘોષા વગેરે ઘંટના અવાજને સાંભળીને બધા દેવ મેરુપર્વતની તરફ જાય છે તેમજ ભરતક્ષેત્રમાં ભગવાનનો જન્મ થયો છે, આથી સૌધર્મેન્દ્ર પોતાના પરિવારની સાથે પાલક વિમાનમાં બેસીને ભરતક્ષેત્રમાં આવવા માટે નીકળે છે. સર્વપ્રથમ દેવલોકથી રવાના થઈને અસંખ્ય યોજન તિર્જી આવે છે. પછી અસંખ્ય યોજન નીચે જવાથી નંદીશ્વર દ્વીપ આવે છે. ત્યાં ૧ લાખ યોજનના “પાલક વિમાન”નો સંકોચ કરે છે અને સંકોચ કરતાં-કરતાં પ્રભુના જન્મ સ્થાને આવે છે. ત્યાં આવીને પ્રભુ તથા માતાને વંદન કરીને તેમજ વધામણી દેતા કહે છે કે “હે રત્નકુક્ષિ ધારિણી માતા ! હું શક્ર નામનો સૌધર્મેન્દ્ર આપના પુત્રનો સુંદર જન્મ મહોત્સવ કરીશ.” આ રીતે કહીને માતાની પાસે પ્રભુના પ્રતિબિંબને સ્થાપિત કરી માતાને અવસ્થાપિણી નિદ્રા આપે છે. પછી કેટલાક દેવ-દેવી સાથે હોવા છતાં પણ ભક્તિના અતિરેકથી સ્વયં પાંચ વૈક્રિય રૂ૫ બનાવે છે. એકથી ભગવાનને કરસંપુટમાં ગ્રહણ કરે છે, એકથી છત્ર ધારણ કરે છે એકથી આગળ વજ ઉછાળે છે અને બે રૂપથી ચામર વજે છે. આ રીતે ભગવાનને લઈને સૌધર્મેન્દ્ર મેરુ પર્વત ઉપર આવે છે. એ સમયે અન્ય દેવ-દેવીઓ પણ હર્ષથી નાચ-ગાન કરતાં કરતાં પ્રભુની સાથે મેરુપર્વત ઉપર આવે છે.
મેરુ ઉપરજી... મેરુ પર્વતના પાંડુક વનમાં ચારે દિશાઓમાં ચાર-ચાર મોટી શિલાઓ છે. એમાંથી સૌધર્મેન્દ્ર પ્રભુને દક્ષિણની અતિપાંડુકંબલા શિલા ઉપર રહેલા સિંહાસન ઉપર અભિષેક માટે લઈને આવે છે. એટલામાં બીજા ૬૩ ઈન્દ્ર પણ ત્યાં પહોંચી જાય છે. મલ્યા ચૌસઠ સુરપતિ...