Page Text
________________
મોકલ્યા. ત્યાં જઈને એમણે ભદ્રબાહું સ્વામીને પૂછ્યું. “જો કોઈ સંઘની આજ્ઞા ન માનતા હોય તો એને શું કરવું જોઈએ?” ભદ્રબાહુ સ્વામીજી એ કહ્યું કે “સંઘથી બહિષ્કૃત કરી દેવા જોઈએ” એ શિષ્યોએ કહ્યું “આ વચનથી આપ પણ સંઘની બહાર થઈ જાઓ છો.” ભદ્રબાહુ સ્વામીજીએ કહ્યું: “હું સંઘની આજ્ઞા શિરોધાર્ય કરું છું પરંતુ અત્યારે મારું મહાપ્રાણ ધ્યાન ચાલુ હોવાથી મને વધારે અવકાશ નથી મળી શકતો. છતાં પણ જો દષ્ટિવાદના અભ્યાસને માટે જે મુનિ અહીં પધારશે. તેમને હું પ્રતિદિન સાત વાચના પ્રદાન કરીશ. અને ધ્યાન સમાપ્તિની પછી વિશેષ વાચનાઓ પણ આપી શકીશ. આ પ્રમાણે કરવાથી મારું કાર્ય પણ સિદ્ધ થશે અને સંઘની આજ્ઞાનું પાલન પણ થઈ શકશે. ભદ્રબાહુ સ્વામીજીના વચનોને સાંભળીને તે બંને મુનિવર અત્યંત સંતુષ્ટ થયા. એમણે જઈને સંઘ તેમજ ગુરૂદેવને વાત બતાવી. ભદ્રબાહુ સ્વામીના પ્રત્યુત્તરને જાણીને સંઘ પણ પ્રસન્ન થયો અને શ્રીસંઘે સ્થૂલિભદ્ર વગેરે પ00 મુનિઓને દૃષ્ટિવાદ શીખવાને માટે ભદ્રબાહુ સ્વામીજીની પાસે મોકલ્યા. - ભદ્રબાહુ સ્વામીજી પોતાની અનુકૂળતા અનુસાર પ્રતિદિન ૭-૭ વાચનાઓ આપવા લાગ્યા. પરંતુ ધૂલિભદ્ર મુનિ સિવાય અન્ય સાધુ અધ્યયન કરતા કરતા ઉદ્ગવિગ્ન બની અન્યત્ર ચાલ્યા ગયા. એક માત્ર સ્થૂલિભદ્ર મુનિ જ નિષ્ઠાપૂર્વક અધ્યયનરત રહ્યા. એકવાર સ્થૂલિભદ્રના મનોભંગને જોઈને ભદ્રબાહુસ્વામીએ પૂછ્યું તમે કેમ ખેદ પામી રહ્યા છો? સ્થૂલિભદ્રએ કહ્યું: “અલ્પ વાચનાને કારણે.” ભદ્રબાહુ સ્વામિએ કહ્યું: “તું ચિંતા ન કર, મારું ધ્યાન લગભગ પૂર્ણ થવા આવ્યું છે. ધ્યાન સમાપ્તિના પછી હું તને પૂર્ણ સંતુષ્ટ કરવાની કોશિશ કરીશ.” થોડા સમય પછી ભદ્રબાહુ સ્વામીનું મહાપ્રાણ ધ્યાન પૂર્ણ થઈ ગયું. એના પછી તેઓ સ્થૂલિભદ્રજીને ઘણી વાચનાઓ આપવા લાગ્યા. પરિણામ સ્વરૂપ તેઓ અલ્પકાળમાં દશપૂર્વના જ્ઞાતા બની ગયા.
એક સમયની વાત છે. યક્ષા વગેરે સાતેય સાધ્વીઓ પોતાના ભાઈ થૂલિભદ્રને વંદન કરવા માટે ગુરૂદેવની પાસે આવી અને પૂછ્યું “અમારા ભાઈ મુનિ ક્યાં છે?” આચાર્ય ભગવંતે કહ્યું “તમે આગળ જાઓ, તેઓ અશોકવૃક્ષની નીચે અધ્યયન કરી રહ્યા છે.” એ સાતે સાધ્વીઓ અશોકવૃક્ષની દિશામાં આગળ વધી. પરંતુ ત્યાં એમણે સ્થૂલિભદ્રને બદલે એક સિંહને બેસેલો જોયો. તેઓ એકદમ ભયભીત થઈ ગયા અને તત્કાલ ગુરૂદેવની પાસે આવીને બોલી “ભગવંત ત્યાં તો એક સિંહ બેસેલો છે. શું આ સિંહે ભાઈમુનિનું ભક્ષણ તો નથી કર્યું ને? આચાર્ય ભગવંતે પોતાના જ્ઞાનનો ઉપયોગ કરીને કહ્યું “ખેદ ન કરો. તમારો ભાઈ વિદ્યમાન છે. તમે પાછા ફરીથી જાઓ, ત્યાં જ તમને
| SR No. | 006048 |
| Book Title | Jainism Course Part 02 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 198 |
| Language | Gujarati |
| Classification | Book_Gujarati |
| File Size | 10 MB |