Page Text
________________
> મારા સર્વસ્વ મારા પ્રભુ પરમાત્મા માટે પોતાનું સર્વસ્વ અર્પણ કરવામાં જેણે કંઈ પણ કમી ન રાખી, એવા મહાપુરૂષોના જીવન સંબંધિત થોડાક દષ્ટાંત અહીં આપવામાં આવ્યા છે. આ દૃષ્ટાંતોને જો સ્થિરતા પૂર્વક વાંચશો તો મહાપુરૂષોના હૃદયનો અવાજ સંભળાઈ દેશે.
“હે મારા સર્વસ્વ મારા પ્રિય પ્રભુ ! આ વિશાળ સચરાચર સૃષ્ટિમાં કેટલી અદ્ભુત વસ્તુઓ, સંપત્તિ, સમૃદ્ધિ ભરેલી છે. છતાં પણ અખિલ વિશ્વમાં આ હૃદયે પ્રભુ આપની પસંદગી કરી છે. આપ મને બહુ જ પ્રિય છો. હું આપને બહુ જ પ્રેમ કરું છું અને આપને પ્રેમ કરવામાં હું અવર્ણનીય આનંદ અને પરમ શાંતિનો અનુભવ કરું છું. મારા જીવનમાં મારી એક ક્ષણ પણ શાસનના કામમાં આવી જાય તો હું એને મારું પરમ સૌભાગ્ય માનીશ.”
“હે પ્રભુ! આપની સેવા, એ જ મારું અહોભાગ્ય છે, એ જ મારું અતિશય પુણ્ય છે.”
આ મહાપુરૂષોની ભાવના જાણી હવે આપણે અમે પણ એના માર્ગ પર ચાલી આપણું જીવન ઉજ્જવળ બનાવીએ.
ભાઈ હોય તો આવો... » એક પિતાના ચાર પુત્રોમાંથી બે નાના પુત્રોના નામ તો આખી દુનિયા જાણે છે. પરંતુ મોટા પુત્રના નામથી તો લગભગ બધા જ અપરિચિત છે. એમાંથી મોટા પુત્રનું નામ લુણિગ, બીજો માલદેવ, ત્રીજો વસ્તુપાલ અને ચોથો તેજપાલ હતો. થોડા જ દિવસો બાદ પોતાના ચારે પુત્રોને છોડી પિતા શેઠ આસરાજ સ્વર્ગે સિધાવ્યા. એમની વિદાઈ થતાં જ લક્ષ્મીએ પણ ઘરથી વિદાઈ લીધી. લુણિગ બિમારીના લપેટમાં આવી ગયો અને તેનું શરીર તાવથી તપવા લાગ્યું. રોગ શય્યા પર પડેલા લુણિગની સેવામાં ત્રણે ભાઈ રાત-દિવસ હાજર રહેતા. જંગલમાંથી જડીબુટ્ટી અને ઔષધિ લાવી એનો કાઢો બનાવી ભાઈને પીવડાવતા, પરંતુ બધા ઉપાય નિષ્ફળ ગયા. દિન-પ્રતિદિન એનું શરીર ક્ષીણ થતું ગયું. એક દિવસ એની નાડી ધીમી પડવા લાગી. જીવન દીપ બૂઝાવા લાગ્યો, તે જ સમયે અચાનક એની આંખોમાંથી આંસુ વહેવા લાગ્યા.
ભાઈની આંખોમાં આંસુ જોઈ વસ્તુપાલે પૂછ્યું – મોટાભાઈ ! શું થયું? આપની આંખોમાં આંસુ? (લુણિગ મૌન ર) “શું મોતથી ડર લાગી રહ્યો છે?” લુણિગ:- ના. વસ્તુપાલ:- તો પછી આ આંસુ શા માટે? લુણિગ:- ભાઈ ! વર્ષોથી મારા મનમાં રહેલી ભાવનાને હું સફળ ન બનાવી શક્યો અને ભવિષ્યમાં પણ નહીં બનાવી શકું. વસ્તુપાલ - ભાઈ ! કેવી ભાવના?
| SR No. | 006048 |
| Book Title | Jainism Course Part 02 |
| Original Sutra Author | N/A |
| Author | Maniprabhashreeji |
| Publisher | Adinath Rajendra Jain Shwetambara Pedhi |
| Publication Year | 2011 |
| Total Pages | 198 |
| Language | Gujarati |
| Classification | Book_Gujarati |
| File Size | 10 MB |