________________
સમયસાર દર્શન
(૩) વર્તમાન પર્યાય સ્વતંત્રપણે કર્તા થઈને રાગનું લક્ષ છોડી અંતરમાં સ્વભાવ-સન્મુખ થઈને જ્ઞાયક પૂર્ણાનંદ તરફ વળે, ઢળે, તે આત્માની પ્રાપ્તિ છે, તે સમ્યગ્દર્શન છે. (૪) અખંડ એક અભેદ સામાન્ય ધ્રુવ જે વસ્તુ, વર્તમાન પર્યાયને બાદ કરતાં જે રહે તે અભેદ વસ્તુ-તે ભૂતાર્થ છે, સત્યાર્થ છે. તે જ દૃષ્ટિનો વિષય છે અને એનો આશ્રય કરવાથી એટલે એની સન્મુખ થવાથી-ઢળવાથી જીવ સમ્યગ્દષ્ટિ થાય છે.
(૫) કર્મ, રાગ, ગુણ-ગુણીના ભેદ એ સઘળો વ્યવહાર છે. તે અસત્યાર્થ છે, જૂઠો છે કેમ કે કર્મ, રાગ અને ગુણભેદ એ ત્રિકાળી વસ્તુમાં નથી. અનાદિથી પર્યાય રાગની પ્રાપ્તિમાં પડી છે, એ મિથ્યાત્ત્વ છે.
(૬) આત્મા અનંત જ્ઞાન, અનંત દર્શન, અનંત શાંતિ, અનંત પ્રભુતા, અનંત સ્વચ્છતા, એમ અનંત અનંત ભાવસ્વરૂપે અનંત શક્તિઓથી સંપન્ન પરમાર્થ વસ્તુ છે. તેની સન્મુખ થઈ તેનો આશ્રય કરતાં સમ્યગ્દર્શન પ્રગટ થાય છે.
(૭) રાગમાં ધર્મ માની પ્રવર્તે, દયા, દાન, તપ, પૂજા, વ્રત એ જેટલા બાહ્ય ક્રિયાકાંડ છે તે સઘળા ચારગતિમાં રખડવાના માર્ગ છે, મિથ્યાદર્શન છે. શુભ રાગ છે તે ધર્મ નથી-તે અસત્યાર્થ છે.
(૮) વીતરાગનો માર્ગ જે જૈન ધર્મ છે, જે વસ્તુનું સ્વરૂપ બતાવે છે જે સૂક્ષ્મ ધર્મનું સ્વરૂપ સમજાવે છે તેની વાત બહુ ધીરજથી સમજવા જેવી છે.
鸡鸡鸡
૫૧
