Samaysara Darshan

SR No.: 006042
Original Sutra Author: N/A
Author: Ramniklal Savla
Publisher: Anandji Kalyanji Pedhi
Total Pages: 248
Language: Gujarati
Classification: Book_Gujarati
File Size: 18 MB

Page 195

德传传传事
સ્વાનુભૂતિ
(૧૩) હે ભવ્ય જીવો ! આ પરમાત્મા તત્ત્વનો આશ્રય કરી તમે શુદ્ધ રત્નત્રય પ્રગટ કરો. પૂર્ણ દશા પ્રગટ ન થઈ શકે તો સમ્યગ્દર્શન તો અવશ્ય કરો જ. એ દશા પણ અભૂતપૂર્વ અને અલૈકિક છે.
જ
(૧૪) બધાએ જીવનમાં એક જ ધ્યેય રાખવાનું-આત્મા કેમ ઓળખાય ? અને પરમાત્મા તત્ત્વના આશ્રય વગર એ ઓળખાય એમ નથી.
(૧૫) જીવનમાં જે પરમાત્મા તત્ત્વ સંબંધી નિર્ણય કર્યો છે, ‘હું શાન-આનંદ સ્વરૂપ ભગવાન આત્મા છું.’ તે નિર્ણયની દૃઢતાથી આગળ જવાનું છે. અંદર પુરુષાર્થ કરવો. ભેદજ્ઞાનનો અભ્યાસ કરવો. ચૈતન્ય ભગવાન આત્મા રાગથી ભિન્ન છે. એ અભ્યાસના બળે આગળ વધાશે.
(૧૬) ધર્મની શરૂઆત સમ્યગ્દર્શનથી થાય છે અને સમ્યગ્દર્શન ભેદવિજ્ઞાન અને પરમાત્માતત્ત્વના આશ્રયથી થાય છે.
જે કોઈ સિદ્ધ થયા છે તે ભેદવિજ્ઞાનથી સિદ્ધ થયા છે. જે કોઈ બંધાયા છે તે તેના જ અભાવથી બંધાયા છે.
આ ભેદવિજ્ઞાન અવિચ્ચછિન્ન ધારાથી ત્યાં સુધી ભાવવું કે જ્યાં સુધી પર ભાવોથી છુટી જ્ઞાન જ્ઞાનમાં ઠરી જાય.
(૧૭) ગમે તે પ્રસંગ હો, આત્માનું જ્ઞાતા-દૃષ્ટાપણે રહેવું તે જ શાંતિ છે, સંયોગો પ્રતિકૂળ હો કે અનુકૂળ, એ દરેક પ્રસંગમાં ‘હું એક શુદ્ધ ચૈતન્ય આનંદધન છું” એ દૃષ્ટિ ખસવી ન જોઈએ. મારું અસ્તિત્વ સહજ એક જ્ઞાયકભાવ છે, તેમાં પરનો, શરીરાદિનો કે રાગાદિવિભાવનો પ્રવેશ નથી અને મારો જે સ્વભાવ છે તે પરમાં જતો નથી. અહા ! આવી વાત છે. ‘જ્ઞાનસ્વભાવી ભગવાન આત્મા-પરમાત્માતત્ત્વ’નો આશ્રય એજ એક મુખ્ય વાત છે.
(૧૮) ભગવાન આત્માનું કોઈ અદ્ભૂત સ્વરૂપ છે. તેનું પૂર્ણ જ્ઞાન, પૂર્ણ આનંદ, પૂર્ણ ઐશ્વર્ય, પૂર્ણ સ્વચ્છતા, પૂર્ણ પ્રકાશ આદિ અનેકપૂર્ણ શક્તિઓથી ભરેલું ચૈતન્ય ચમત્કારીક પરિપૂર્ણ સ્વરૂપ છે. આવા પરમાત્મા તત્ત્વના પૂર્ણ સ્વરૂપને જોનારી જે દૃષ્ટિ તેને આધીન ભગવાન આત્મા પ્રગટ થાય છે.
(૧૯) કાંતો ઈ થાય એના ભગવાનનો-પરમાત્મા તત્ત્વનો અને કાં તો થાય રાગનો! ત્રીજી કોઈ ચીજ એની નથી. કાં થાય રાગનો કાં વીતરાગી સ્વભાવનો. ત્રીજાનો એ થતો નથી. આમ વાત છે.
૧૭૮