Aatmsiddhi Shastra Darshan

SR No.: 006041
Original Sutra Author: N/A
Author: Ramniklal Savla
Publisher: Anandji Kalyanji Pedhi
Total Pages: 98
Language: Gujarati
Classification: Book_Gujarati
File Size: 9 MB

Page 96

1 આત્મસિદ્ધિ શાસ્ત્ર દર્શન
“હે સર્વજ્ઞ ભગવાન ! તમને હું વિશેષ શું કહ્યું? તમારાથી કંઈ અજાણ્યું નથી. માત્ર પશ્ચાતાપથી હકર્મજન્ય પાપની ક્ષમા ઈચ્છું છું.” “ૐ શાંતિઃ શાંતિઃ શાંતિઃ”
હે ભગવાન! આપ સર્વજ્ઞ છો. તેથી બધું જાણો છો. મારા સત્તામાં રહેલા કર્મને પણ જાણો છો. ત્રિકાળવર્તી જ્ઞાનના ધારક સર્વજ્ઞ ભગવાન ! જગતનું એક રજકણ પણ તમારાથી અપ્રત્યક્ષ નથી. આ જગતમાં અનંત દ્રવ્ય-એક એક દ્રવ્યની અનંત પર્યાયો અને એકપણ પર્યાય તમારા જ્ઞાનની બહાર નથી. હું અલ્પજ્ઞ, તમને શું કહું? એટલે મારે વિશેષ કહેવાનું નથી વળી જે પણ કહીશ તેમાં તો મારી અલ્પજ્ઞતાનો દોષ રહેવાનો અને આપ તો સંપૂર્ણ વસ્તુ જાણો છો.
મારી પાસે આ ક્ષમા સિવાય કોઈ શસ્ત્ર, શાસ્ત્ર કે ઉપાય નથી મારી પાસે માત્ર આ એક જ મૂડી ‘ક્ષમા” છે. મારા કર્મજન્ય પાપો ક્ષય થાય અને ફરી તેવાં ન બંધાય એવી સમતા, ક્ષમા, ધીરજ રહે એમ ઈચ્છું છું. અનેક પ્રકારનાં દોષોના પશ્ચાતાપમાં બળીને અનંત પ્રકારના કર્મજન્ય પાપોની ક્ષમા માંગી હું પવિત્ર થઈ તમારી કૃપાને પાત્ર થાઉં તે જ અભિલાષા છે, તે પ્રભુ, પૂર્ણ કરજો. .
હે જિનરાજ ! તું જાણે છે સઘળું, ત્રિકાળનું એક કાળે, અનંત ભેદ લોક અલોકના, પર્યાય સર્વ નિહાળે, “તો તમે નાથ શું જાણો નહિ, કંઈ આ ભવના મુજ પાપો ! તો પણ કહે તુમ આગળ તે, શુદ્ધ થવા સપશ્ચાતાપો.'
- ૐ શાંતિઃ શાંતિઃ શાંતિઃ " મારા આત્માનું કલ્યાણ થાઓ, કલ્યાણ થાઓ, કલ્યાણ થાઓ એવી ભાવનાથી વિરમું છું. સર્વ વિભાવ પરિણામથી થાકવું, નિવૃત થવું તે શાંતિ છે. તેથી અવશ્ય કલ્યાણ થાય છે.
આમ ક્ષમાપના દ્વારા મિથ્યાત્વથી છૂટી પ્રભુનાં તત્ત્વોમાં શ્રદ્ધા કરી જીવ સમકિત પામે છે. પશ્ચાતાપયુક્ત વ્રતધારી બને છે અને પૂર્ણતાની પાત્રતા ગ્રહણ કરે છે. આ ક્ષમાપના દિવસમાં બે વખત ભાવવાથી જીવનાં પરિણામ નિરંતર શુદ્ધ થતાં જાય છે.
ઉપસંહારઃ વીતરાગનો કહેલો પરમ શાંત રસમય ધર્મ પૂર્ણ સત્ય છે. એવો નિશ્ચય રાખવો. જીવના અનાધિકારીપણાને લીધે તથા સત્પુરુષના યોગ વિના સમજાતું નથી. તો પણ તેના જેવું જીવને સંસાર રોગ મટાડવાને બીજું કોઈ પૂર્ણ હિતકારી ઔષધ નથી, એમ વારંવાર ચિંતવન કરવું.