________________
આત્મસિદ્ધિ શાસ્ત્ર દર્શન | 2
(૫) આવી નિર્વિકલ્પ દશા પ્રગટ થાય તે પહેલા કયા વિકલ્પ હોય?
(૧) સંપૂર્ણ જીવન જ્ઞાયકની જ આરાધના (૨) તે માટે આગમના અવલંબનથી તત્ત્વનો યથાર્થ નિર્ણય - “હું જ્ઞાન આનંદ
સ્વરૂપ ભગવાન આત્મા છું અને જીવનના પ્રત્યેક સમયે ભેદજ્ઞાન હું સર્વથા
સર્વથી ભિન્ન છું. આ પ્રયોગાત્મક પદ્ધતિ છે. (૩) તે માટે નિયમિત અભ્યાસનો મહાવરો - વીતરાગી પરમાગમોનો અભ્યાસ..
સત્સંગ અને સ્વાધ્યાય. (૪) બાકીના સમયમાં દેવ-ગુરુ-શાસ્ત્રની આરાધના. (૫) સંપૂર્ણ જીવન સ્વભાવને અનુરૂપ સંયમીત (મર્યાદીત) અન્યાય, અનીતિ,
અભક્ષ્યનો ત્યાગ. સપ્ત વ્યસન (જુગટું, માસ, મદિરા, વેશ્યાગમન, શિકાર, ચોરી, પરસ્ત્રી)નો ત્યાગ, કંદમૂળ અને રાત્રિ ભોજનનો ત્યાગ.. આટલું જ બસ...
ભેદજ્ઞાન સર્વ પ્રવચનનો સાર ભેદવિજ્ઞાન છે. ધર્મની શરૂઆત સમ્યગ્દર્શનથી થાય છે અને સમ્યગ્દર્શન ભેદવિજ્ઞાન દ્વારા થાય છે.
જે કોઈ સિદ્ધ થયા છે તે ભેદવિજ્ઞાનથી સિદ્ધ થયા છે. જે કોઈ બંધાયા છે તે તેના અભાવથી બંધાયા છે.
આ ભેદવિજ્ઞાન અચ્છિન્નધારાવાહી જ્ઞાનથી ત્યાં સુધી ભાવવું કે જ્યાં સુધી પર ભાવોથી છૂટી જ્ઞાન જ્ઞાનમાં ઠરી જાય.
શુદ્ધ આત્મતત્ત્વની ઉપલબ્ધિ ભેદવિજ્ઞાનથી થાય છે.
જીવને જ્યારે ભેદવિજ્ઞાન થાય છે અર્થાત્ જીવ જ્યારે આત્મા અને કર્મને યથાર્થપણે ભિન્ન જાણે છે ત્યારે તે શુદ્ધ આત્માને અનુભવે છે.
શુદ્ધ આત્માના અનુભવથી આસ્રવભાવ રોકાય છે અને અનુક્રમે સર્વ પ્રકારે સંવર થાય છે. માટે ભેદવિજ્ઞાનને અત્યંત ભાવવાનો ઉપદેશ કર્યો છે.
જ્ઞાનથી ભેદજ્ઞાન થાય છે અને ભેદજ્ઞાનથી આત્મજ્ઞાન થાય છે.
૧૦