________________
[४१ ] दस सुहविहगइउच्चे, सुरदुग थिरछक्क पुरिसरइहासे । मिच्छे सत्तरि मणुदुग, इत्थी साएसु पन्नरस ॥३०॥ भय कुच्छ अरइसोए विउवितिरिउरलनरयदुगनीए । तेयपण अथिरछक्के, तसचउ थावर इग पणिदी ।।३१।। नपु कुखगइ सासचउ, गुरुकक्खडरुक्खसीयदुग्गंधे । वीसं कोडाकोडी, एवइआबाह वाससया ॥३२॥ गुरु कोडिकोडीअंतो, तित्थाहाराण भिन्नमुह बाहा । लहुठिइ संखगुणणा,-नरतिरिआणाउ पल्लतिगं ॥३३।। इगविगल पुव्वकोडी, पलियासंखंस आउचउ अमणा । निरुवकमाण छमासा, अबाह सेसाण भवतंसो ॥३४॥ लहुठिइबंधो संजलणलोह, पणविग्घनाणदंसेसु । भिन्नमुहत्तं ते अट्ठ, जसुच्चे बारस य साए ॥३५।। दो इग मासो पक्खो, संजलणतिगे पुमटुवरिसाणि । सेसाणुक्कोसाओ, मिच्छत्तट्टिईइ जं लद्धं ॥३६।। अयमुक्कोसो गिदिसु, पलियाऽसंखंसहीण लहुबंधो। कमसो पणवीसाए, पन्ना-सय-सहस्ससगुणिओ ॥३७।। विगलि असन्निसु, जिट्ठो, कणिटुओ पल्लसंखभागुणो । सुरनिरयाउ समा दस-सहस्स सेसाउ खुड्डुभवं ।।३८।। सव्वाण वि लहुबंधे, भिन्नमुह अबाह आउजिट्टे वि । केइ सुराउसमं जिण-मंतमुहू बिति आहारं ॥३६।।