________________
આનંદઘન પદ- ૧૦૨
ભવફેરા વારી કરો જિનચંદા,
આનંદઘન પાય લાગરે.... તુને કહીએ તો....૩.
જિનોમાં ચંદ્ર સમાન હે પ્રભો ! મારા સંસારના ફેરાનો અંત આવે એવી આત્માની શીતળતા હું ઈચ્છું છું. હે આનંદઘન પ્રભો ! હું આપના પગમાં પડી ફરી ફરીને આજ માંગુ છું. સંસારમાં અનંતકાળ રખડીને હું થાકી ગયો છું. હવે મારી રખડપટ્ટીનો અંત આવે અને હું એકજ જગ્યાએ હંમેશને માટે ઠરીઠામ થઈને રહું એવી માંગણી આપની પાસે કરું છું.
આનંદઘનજીના સમયમાં મોગલશાહી ભારતભરમાં પ્રસરી ગયેલી. તેમની વટાળ અને જુલ્મી પ્રવૃતિઓથી હિંદુ ક્ષત્રિય રજવાડાઓમાં કુસંપ - વૈરભાવ વગેરેના બીજ રોપાયા હતા. આ નબળાઈને યવનોએ પિછાણી અને તેમની જુલ્મી પ્રવૃતિ દિન-પ્રતિદિન વધતી ચાલી. ધર્મના નામે કલેશ - કંકાસ વધવા માંડ્યા. જ્યાં જુવો ત્યાં અશાંત વાતાવરણ વધવા માંડ્યું. આ બધુ જોઈને તે મહાત્માનું દિલ દ્રવી ઉઠ્યું. તેમના મન પર વૈરાગ્યની અસર વધતી ચાલી અને તેથી કરીને તેએએ આ પદ-૧૦૨માં પરમાત્મા પાસે માંગણીકરી કે ‘ભવકા ફેરા વારી કરો જિનચંદા - આનંદઘન પાય લાગરે - તુને કહિયે કેતો - હે પ્રભો ! મારા ભવના ફેરા મિટાવો - હું આપના પગમાં પડી આ એકજ અરજ ગુજારુ છું.
પદાર્થમાં ફેરફાર ન થાય,
તું તારામાં ફેરફાર કરે !
૩૨૭
પદાર્થને ફેરવવાની કુચેષ્ઠા હા કર,
તું તારામાં સમાઈ જા !
પ્રભાવથી અંજાઈ જઈશું, સ્વભાવ ભૂલી જઈશું તો ભૂલા પડી જઈશું.
