________________
૩૨૨ |
આનંદઘન પદ - ૧૦૧
ફરિયાદ વધવા માંડી તેમ તેમ તે તે જીવોને શિલ્પ-કળા-હુન્નર ઉદ્યોગ વગેરે શીખવાડ્યું. લોકોને લિપિનું જ્ઞાન તેમજ અક્ષર જ્ઞાન આપ્યું. ૮૩ લાખ પૂર્વ સુધી પ્રભુ ગૃહસ્થપણામાં રહ્યાં. ઈન્દ્ર આવીને પ્રભુનો લગ્ન મહોત્સવ કર્યો. સુનંદા સુમંગલા પ્રભુને પરણાવી જેમનાથી પ્રભુને ભરત બાહુબલી વગેરે ૧૦૦ પુત્રો તેમજ બ્રાહ્મી સુંદરી બે પુત્રીઓ થઈ. ત્યારબાદ પોતાનો દિક્ષાકાળ નજીક જાણી પ્રભુએ ચારિત્ર લીધું. . વન વગડામાં એકાંત પણે આત્મ સાધનામાં રહેતા અને ઉપસર્ગ પરિષહોને સહન કરતા ૧૦૦૦ વર્ષના અંતે પ્રભુને કેવલજ્ઞાન પ્રગટ્યું. જગતના ભવ્યજીવોને તીર્થસ્થાપન કરવા દ્વારા મૉક્ષમાર્ગ સમજાવ્યો, કંઈક જીવોને મોક્ષે મોકલ્યા અને આમ મોક્ષમાર્ગ પ્રસ્થાપી અંતે પ્રભુ સ્વયં મોક્ષે ગયા. ૧૦,૦૦૦ મુનિવરો સાથે અષ્ટાપદ પર્વત પર યોગ નિરોધ કરી - અનશન વ્રત આદરી મુકત થયા સાથે અન્ય ૧૦૭ આત્માઓ મોક્ષને વર્યા. સંસારમાં પ્રભુનું જે ચારગતિમાં પરિભ્રમણ થતુ હતું તેનો અંત આવ્યો.
કેવલ લઈ પ્રભુ મુગતે પોહોતા, આવાગમન નિવારા...૩. આનંદઘન પ્રભુ ઈતની વિનતિ, આ ભવ પાર ઉતારા..૪.
કેવળજ્ઞાનને પામીને પ્રભુ આપ તો સ્વયં મુકત થઈ લોકાગ્ર શિખરે સિદ્ધપદે બિરાજી, અજરામર થઈ જનમ મરણના ફેરા - આવાગમન નિવાર્યું. આનંદઘનના નાથ હે પ્રભો ! આપે વ્યવહારધર્મનો રાહ બતાવી અનેકોને પાપ પ્રવૃતિથી ઉગાર્યા અને અનંતની સફરે ભટકતા આત્માઓને નિશ્ચયધર્મનો માર્ગ દેખાડી મુકિતની વાટે ચડાવ્યા તેમજ ભવ્યજીવોનો ઉદ્ધાર કરી મોશે પહોંચાડ્યા તેવી રીતે હે કરૂણાળુ પ્રભો ! આપને મારી એકજ વિનંતી છે કે આપ તો આનંદઘન સેવકના નાથ કહેવાઓ - મારી વિનંતીનો અસ્વીકાર કરી મને નિરાશા ન કરો. આપ મુગતિપુરીમાં જઈ પહોંચ્યા - વીર પ્રભુ પણ મુક્તિએ સિધાવ્યા. હવે મારો હાથ ગ્રહણ કરનાર આ ક્ષેત્રમાં કોઈ ન રહ્યું. કોની આગળ જઈને મારી આંતર વેદનાનો પોકાર કરું કે આ ભવ પાર ઉતારા.
ઉદરાના સાગરમાંથી નીકળી ચેતનના મહાસાગરમાં ન ભળ્યા તેથી સંસારસાગર ન તર્યા.
