________________
આનંદઘન પદ
-
૧૦૦
નરકમાં ભલાઈ કરવાને કોઈ અવકાશ નથી, તિર્યંચમાં ભલાઈ કરી શકાય એવી કોઈ સ્થિતિ કે સંજોગો નથી હોતાં અને દેવને માટે ભલાઈ કરવાનો કોઈ પ્રશ્ન દેવલોકમાં હોતો નથી કેમકે બધાંય દેવ પુણ્યશાળી અને શકિતશાળી છે. માનવ ખોળિયું જ એવું છે જ્યાં એક માનવ બીજા માનવનું કે તિર્યંચનું ભલું કરી શકે છે કારણે દમ, દયા, દાનના ગુણો માનવને હોય છે. વળી મળેલા સુઅવસરનો સમય ઓછો છે અને અંતર ઝાઝું છે માટે મોટા પગલાં માંડી ઝડપથી આગળ વધવાની જરૂર છે. માટે (યું જાણે ત્યું કરલે ભલાઈ) પરોપકારના ભલમનસાઈના જેટલા કાર્યો કરાય તેટલા કરી લે. જે જે મંગલમય તકો તને પ્રાપ્ત થઈ છે તેની જાણકારીની તને જો સમજ ન પડે તો તું સજ્જન પુરુષોનો - દાનેશ્વરીઓનો - સંત પુરૂષોનો સમાગમ કર. જેમ જેમ સત્સંગ ગાઢ બનશે તેમ તેમ જાણપણાનું જ્ઞાન વધવાથી તારી અંતરની ઊર્મિઓમાંથી દાનની સરવાણીઓ આપોઆપ કુટ્યા કરશે, ભલાઈના, સુકૃત કરવાના ભાવ સ્વયં જાગ્યા કરશે. જિનમંદિર જિનપ્રતિમા જિનાગમ સાધુ-સાધ્વી-શ્રાવક-શ્રાવિકા આ મળી કુલ સાત ક્ષેત્રો ભક્તિ કરવા માટેના ઉત્તમ સુક્ષેત્ર કહ્યા છે. આઠમુ અનુકંપા દાન માટેનું ક્ષેત્ર પણ કહ્યું છે. આ સાત ક્ષેત્રો પુણ્યની ખેતી કરવા માટેના ઉત્તમ ક્ષેત્રો છે, ત્યાં સુપાત્ર દાન કરવાના ભાવ જાગશે અને તું તે કરીશ તો આલોક કે પરલોક જ્યાં પણ તું જઈશ ત્યાં આ પુન્ય રૂપી ભાથું સાથે રહેશે તેનાથી તેના ઉત્તમ ફળો તારી સેવામાં હાજર રહેશે. તારે કયાંય પણ હાથ લાંબો કરવો પડશે નહિ. જે ગાંઠે બાંધેલુ હશે તેજ સાથે રહેશે અને તેજ ખપ લાગશે.
-
·
૩૧૭
(જનમ જનમ સુખ પાવે) - મહાત્મા યોગીરાજે જન્મ-જન્માંતરમાં સુખ પામવાનો આ ભકિતયોગનો સરળ માર્ગ સૌને ઉપયોગી નીવડે તેવો - સૌના ભલા ખાતર બતાવ્યો છે જેનાથી સ્વ અને પર બંનેનું, આ લોક અને પરલોક બંનેમાં હિત થાય છે.
તન-ધન-જોબન સબહી જૂઠા, પ્રાણ પલકમેં જાવે,
તન છૂટે ધન કૌન કામકો, કાયકું કૃપણ કહાવે અવસર... ૨.
-
જ્યાં પરમાત્મા છે ત્યાં તું તેને શોધ !
-
