________________
૧૯૦
આનંદઘન પદ - ૮૩
નદી પર આવેલ છે એનું વર્ણન કર્યું છે. સાથે સાથે એ નગરનું વાતાવરણ કેવું છે ? એ સ્થાનનો મહિમા કેવો ભારી છે ? તેમજ એ નગરમાં એનક પ્રકારની સગવડોનો સદૂભાવ ઉપરાંત અનેક પ્રકારની અગવડોનો અભાવ છે. તે બતાવેલ છે. આવો અવસર વારંવાર મળતો નથી માટે મળેલ અવસર ના ચૂકવા પ્રેરણા કરી છે. ૧૦૦માં પદમાં પણ અવસર ન ચૂકવાની પ્રેરણા છે પણ ત્યાં જીવનની અસ્થિરતા તેમજ ધનમાલ અહીં રહી જવાના છે તે બતાવવા પૂર્વક મળેલ અવસરનો લાભ લેવા વાત કરી છે. જયારે અહિંયા સાધ્યસ્થાનની ભવ્યતા, સુંદરતા અને આકર્ષકતા બતાવી વર્તમાનમાં મળેલ તક ન ચૂકવા. ભલામણ કરી છે. નિસ્પૃહ દેશ સોહામણો- નિર્ભય નાર ઉદાર-હો વસે અંતરયામી નિર્મળ મન મંત્રી વડો - રાજા વસ્તુ વિચાર હો વસે અંતરયામી. કેવલ કમલાણાર હો - સુણ સુણ શિવગામી કેવલ કમલાનાથ હો સુણ સુણ નિ:કામી કેવલ કમલાવાસ હો સુણ સુણ શુભ કામી આત્મા તું ચૂકીશ માં - સાહિબા તું ચૂકીશ માં,
| રોજિંદા તું ચૂકીશમાં અવસર લહીજી.... જયાં સુધી જીવને કોઈ પણ પ્રકારની સ્પૃહા છે ત્યાં સુધી સંસારનો અંત આવતો નથી. પોતાના સ્વભાવ સિવાય બીજુ કાંઈજ મેળવવા જેવું નથી એવી દઢ શ્રદ્ધા થાય ત્યારે તે મુમુલ બને છે.
સ્પૃહા એટલે કે દુન્યવી વસ્તુઓ પ્રત્યેની ઈચ્છાઓ - કામનાઓ - લાલસાઓનો અંશ માત્ર જેમનામાં રહ્યો નથી એવા પુષવર્ગથી આ દેશ સોહામણો છે. અર્થાત્ તે દેશમાં વસનારાઓથી તે આત્મિક સૌંદર્યતાથી ભરપુર સુખકારક અને રળિયામણો રહ્યો છે. એવા દેશની અહિંયા ઝાંખી કરાવી પોતાના આત્માને બોધ આપતા યોગીરાજ કહે છે કે હે આત્મન્ ! તે દેશમાં વસનારા બધાં ઉદાર દીલવાળા છે અને નિર્ભીક પણે જીવન જીવી રહ્યા છે તેથી દેશમાં ' આવેલા નગરનું નામ નિર્ભય નગર છે.
જે છોડીએ એનાથી છૂટી જઈએ તો તે છોડ્યું સાયું !
