________________
આનંદઘન પદ - ૭૦
કહે સરધા સુની સામીની હો, એતો ન કીજે ખેદ
હેરે હે પ્રભુ આવતી હો, વધે આનંદઘન ભેદ..૪. શ્રદ્ધા એ ભકિતયોગનો ઊંચી કોટિનો વિષય છે અને તેની ઊંચી કોટિની. ભાવ રમણતા તે સમતા છે. વિકલ્પ રૂપ ભાવો થવા તે મમતા અને તે ભાવોનું શમી જવું તે સમતા છે. શ્રદ્ધા સમતાને કહે છે (એ તો ન કીજે ખેદ) - હે મારા ગુરણી સમતા ! આપને શિખામણ આપવી એ મારે માટે ઉચિત ન ગણાય કારણ આપની સમત્વ દશા પ્રકૃતિના સત્વગુણના શિખર પર પહોંચેલી છે. આપ જેવાને વ્યર્થ ખેદ એટલે ચિંતા કરવી ન ઘટે અર્થાત્ આપને આપના સમત્વ સ્વભાવમાં ઠરવું જરૂરી છે કારણ આપના પતિદેવ પરમાત્મ સ્વરૂપ એવા પરમ ચેતન્યદેવની સાધનામાં લાગેલા હોઈ તેમાં આપના વિકલ્પોથી તેમની સાધનામાં ભંગ પડશે માટે એવો નકામો ખેદ કરવો એ ઉચિત નથી.
(હેરે હે પ્રભુ આવહી હો, વધે આનંદઘન ભેદ) - કાયા પ્રત્યે અભાવ કે દુર્ભાવ ન લાવતાં એને ધર્મનું સાધન સમજી તેનો સદુપયોગ કરવાથી કર્મમળા ધીરેધીરે ધોવાતો જશે તેમ ચેતન્ય ગુણ વિશુદ્ધિ પામતો જશે. આમ કાયા પાસેથી પ્રેમથી તેને ધિક્કાર્યા વિના કામ લેવાનું અને જીવનો અનાદિકાળનો. દેહિક સંબંધ અને તે પર રહેલો મમત્વભાવ તોડતા આવવાનું. તે જેમ જેમાં તૂટતો જશે તેમ તેમ તમારા નાથ તમારી નજીક આવતા જશે. આમ કાયા પર બળ ન વાપરતા હેતથી એની પાસે હેરે હેરે એટલે હળવે હળવે ઘેર્યથી, કળથી કામ લેવાથી જીવ સરોવરમાં અમૃતાનંદ વધવા માંડશે, જે આનંદ ઉછળ્યાની અનુભૂતિઓ થવાથી સમજવાનું કે મારા સ્વામીનાથ નજીક આવી રહ્યા છે. પ્રભુ દર્શન - આત્મદર્શનના આડે આવતા કર્મોનું જ્ઞાન-ધ્યાન સાધનાથી ધોવાણ થવાથી, ચમત્કાર સર્જતી પ્રભુની દિવ્યમૂર્તિના દર્શન સાધકને ઓચિંતા થવાના આ યોગ સમજવા. પ્રભુ ભકત શ્રદ્ધા પોતાની સ્વામિની સમતાને પોતાના વિચારો જણાવી રહી છે.
નિમિત્તાધીનદષ્ટિમાં સ્વાધીનતા નથી.
