________________
So
આનંદઘન પદ - ૧૦
મારા અંદર પ્રગટેલા પરમાત્મા એ કામદુધા ગાય છે, એજ કામઘટ છે, અમૃતરસનું સ્થાન પણ એજ છે, મારા શરીર રૂપી વનમાં રહેલ પ્રગટ હરિ = પણ એજ છે.
જેમની શોધ મેં આદરી હતી તે પરમકૃપાળુ પરમાત્મા મારા અંતરમાં પ્રગટ્યા છે તે સર્વ વાંછિતને આપનાર હોવાથી કામધેનુ ગાય જેવા અને કામકુંભ જેવા છે. તેને પામીને મારો આત્મા અમૃતરસના કુંડમાં સ્નાન કરતો હોય તેવું અનુભવાય છે. શાંતતાની દૃષ્ટિએ એ અમૃત સરોવરમાં અવગાહન કરવા તુલ્ય છે.
જેમ સિંહ બાળ સ્વરૂપે હોય તો પણ મોટા મોટા હાથીઓના મદને ઉતારી નાંખે તેવી તેનામાં પ્રચંડ શકિત રહેલી હોય છે તેમ મારા ઘટ-અંતરમાં પ્રગટેલા આનંદઘનના નાથ પ્રભુ કામદેવ રૂપી મદોન્મત હાથીનું ગંજન કરનાર છે અર્થાત્ કામના મદને મથી નાંખનાર છે અને તેથી તે સાચે જ હરિ અર્થાત્ સિંહ પણ છે.
અહીં ચેતનરાજને કામદેવ રૂપી હાથીના મદને ઉતારનાર તરીકે કહ્યો છે. બીજા મનોવિકારો કરતા કામદેવનો વિકાર ભારે આકરો છે. એ સમજુ લાગતા પ્રાણીને પણ પ્રથમ વિહવળ બનાવે છે, પરવશ બનાવે છે પછી માણસાઈથી દૂર કરી વિવેકહીન બનાવે છે, ઉત્તમ દેખાતા ઋષિઓને એણે એકાંતમાં પાપાચારી બનાવ્યા છે.
જે વનમાં આવા આનંદઘનનો નાથ બેઠો હોય ત્યાં કામ ફરકી શકતો જ નથી અને કદાચ આવે તો સિંહની જેમ જેની એક દૃષ્ટિ માત્રથી ભાગી જાય તેવા પરમાત્મા દેવ મારા ઘટમાં પ્રગટ્યા છે તેનો આનંદ શુદ્ધ ચેતનાને માતો નથી.
જેમ આનંદઘનજીએ પોતાના ઘટ-અંતરમાં પરમકૃપાળુ પરમાત્માને પ્રગટ કર્યા તેમ દરેક જીવ માત્રમાં તે પ્રભુ રહેલા છે. તેઓ પણ તેમના હૃદયમાં પોતાના તે પ્રભુને પ્રગટ કરે તેવો તેમનો સંકેત છે.
જ્ઞાનની ખંડિતતાથી જ વિકલ્પો ઊભાં થાય. જ્ઞાનની ખંડિતતાનું કારણ જ્ઞાનની વિકારીતા
