Page Text
________________
સુંદર રીતે પાળીને, મૃત્યુ પામીને લક્ષ્મીપૂંજતરીકે તે પોતે જ પેદા થયો છે. ત્રીજા વ્રતના પાલનના પ્રભાવે તું ઇચ્છે તે તને આ ભવમાં મળ્યા કરે છે. અરે ! ઇચ્છા પણ તારે કરવી પડતી નથી. અકથ્ય સંપત્તિઓ તારા ચરણોમાં આવીને આળોટે છે. આ બધો પ્રભાવ ત્રીજા વ્રતના પાલનનો છે.
દિવ્ય પુરુષના મુખેથી આ વાત સાંભળીને લક્ષ્મીપૂંજ વિચારમાં પડી ગયો. તેનાથી પુછાઈ ગયું, “પણ પછી પેલાં સૂર્યવિદ્યાધરનું શું થયું?
“હે પુણ્યશાળી! પછી તે સૂર્ય નામના વિદ્યાધરે પણ ચોરી ન કરવાનો નિયમ બરોબર પાળ્યો. તે મૃત્યુ પામીને વ્યંતરેન્દ્ર બન્યો છે. અને તે વ્યંતરેન્દ્ર બીજું કોઈ નહિ, પણ હું પોતે જ છું. તું જ્યારથી તારી માતાના પેટમાં આવ્યો ત્યારથી તારા પ્રત્યેના પ્રેમાળભાવથી ખેંચાયેલો હું, તારા ત્રીજા અણુવ્રતના પાલનના પ્રભાવે સતત તને સહાય કરું છું. તારી પાસે સંપત્તિઓના ઢગલા કરું છું.” કહીને વ્યંતરેન્દ્ર અદશ્ય થઈ ગયો.
આ સાંભળતાં લક્ષ્મીપુંજ શેઠ બેભાન થઈને ઢળી પડ્યા. થોડીક વારમાં ભાનમાં આવ્યા. તેમને જાતિસ્મરણ જ્ઞાન થયું હતું. વ્યંતરેન્દ્ર કહેલો પોતાનો પૂર્વભવ તે જ પ્રમાણે જાણીને તેમણે આ ભવમાં પણ જીવનને ધર્મમય બનાવી દીધું. ઉચ્ચકક્ષાના બારવ્રતધારી શ્રાવક બન્યા. છેલ્લે સમાધિમય મરણ પામીને બારમા દેવલોકમાં દેવ થયા. ત્યાંથી મનુષ્ય થઈ મુનિ બનીને મોક્ષ પ્રાપ્ત કરશે.
ત્રીજા વ્રતનું પાલન જે મક્કમતાથી આ ગુણધરે કર્યું, તેટલી જ મક્કમતા અને ધીરતાથી કરવાનો દરેકે પ્રયત્ન કરવો જોઈએ. જો આ વ્રત લેવામાં ન આવે તો મૃષાવાદ અને અદત્તાદાન, બંને દોષો ગમે તે ક્ષણે સેવાયા વિના રહેવાના નથી. આ સંસારમાં ડગલે ને પગલે નિમિત્તો તો આવ્યાજ કરવાનાં. અનેક લલચામણી ઓફરો આવવાની, તે સમયે આ વ્રતો લીધેલાં હશે તો બચાશે, નહિતો આ લોક અને પરલોક સંબંધી અનેક પ્રકારના નુકશાનો સહેવાનો વખત આવીને ઊભો રહેશે.
સાંભળી છે ને પેલા ચુનીલાલ અને ભાઈચંદની સત્યઘટના ! મુંબઈના ઝવેરીબજારના આ બે વેપારી હતા. એકવાર ચુનીભાઈએ ભાઈચંદ પાસેથી હીરા ખરીદ્યા. ઘરે ગયા પછી જ્યારે ચુનીભાઈએ ખરીદેલા તે હીરાની ડબી જોઈ ત્યારે ખ્યાલ આવ્યો કે ખરીદેલા હીરાની નીચે રહેલી કાગળની પટ્ટી નીચે બીજા મૂલ્યવાન ચાર હીરા પડેલ છે.
હીરા જોઈને ચુનીભાઈની દાનત બગડી. તેણે વિચાર્યું, “ભાઈચંદને ખ્યાલ રહ્યો નથી ને ભૂલમાં આ મૂલ્યવાન હીરાવાળી ડબી મને અપાઈ ગઈ છે. સારું થયું, મને તો મફતમાં આ હીરા મળી ગયા. હવે તેને કાઢીને સંતાડી દઉં. જાણે કે ડબીમાં પર ૮૫
ના વ્રત ધરીયે ગુરુ સાખી છે
| SR No. | 006020 |
| Book Title | Vrat Harie Guru Sakh Part 01 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskriti Rakshak Dal |
| Publication Year | |
| Total Pages | 110 |
| Language | Gujarati |
| Classification | Book_Gujarati |
| File Size | 11 MB |