Page Text
________________
અને તેથી જ્યારે આજે આ માર્ગે પસાર થતાં મેં તને જોયો ત્યારે સૌ પ્રથમ મોતીની માળા બતાવી. સોનામહોરો ભરેલો ચરું દેખાડ્યો. પણ હે ગુણધર ! તું જરાય લલચાયો નહિ. તારા ઘોડાને મરેલો બતાવ્યો, તને પાણીની મશક દેખાડી. પણ તો ય તારા વ્રતપાલનમાં તું અત્યંત મક્કમ રહ્યો. તારા જેવા પુરુષરત્નને પામીને હું તો ધન્ય બની ગયો. પ્રાણોનું જોખમ વહોરીને પણ નિયમપાલનમાં તે જે અડગતા બતાવી છે, તે જોઈને હું તારી ઉપર પ્રસન્ન થયો છું.
વિદ્યાધરે ઈશારો કરતાં જ સેંકડો વિદ્યાધરો ત્યાં આવ્યા. તેણે કહ્યું, “જાઓ, માર્ગમાં પડેલી માળા, ચરુ, ઘોડો અને બીજું પુષ્કળ ધન આ મહાપુરુષના ચરણોમાં લાવીને મૂકો.
તરત જ બધી વસ્તુઓ આવી ગઈ, ગુણધરે પૂછ્યું, “આ બધું ધન કોનું છે?”
હે સજ્જન શિરોમણિ ! આમાંથી કેટલુંક ધન ચોરી કરીને લાવેલું છે તો કેટલુંક ધન મારી પોતાની માલિકીનું પણ છે. મારા પિતા મુનિનો ઉપદેશ સાંભળીને પણ હું જે નિયમ લેવા તૈયાર નહોતો થયો તે ચોરીનો ત્યાગ કરવાનો નિયમ - આજે તારા દઢતાપૂર્વકના વ્રતપાલનને જોઈને લેવા તૈયાર થયો છું. તું જ મારો સાચો ગુરુ છે. તેથી ગુરુદક્ષિણા રુપે આ ધન મેં સમર્પિત કર્યું છે.”
ગુણધર જેની જેની પાસેથી જે જે ધન ચોરીને લવાયું છે, તે તે ધનતેના માલિકને પાછું આપી દો. તરત જ વિદ્યાધર સૂર્ય માણસોને આજ્ઞા કરી. ચોરેલું ધન તેના માલિકો પાસે પહોંચી ગયું.
બાકી રહેલું પોતાનું ધન ગ્રહણ કરવાની સૂર્ય ગુણધરને આગ્રહભરી વિનંતી
કરી.
ગુણધર: મારા ઘોડાને જે જીવતો કરે તેને મારું ધન આપવાનું મેં નક્કી કરેલ છે, તેથી આ બધું ધન હવે તમે જ સ્વીકારી લો.
આ સાંભળતાં જ સૂર્યની આંખોમાં આંસુ ધસી આવ્યાં. ગુણધરની મહાનતાનાં દર્શન કરીને તે આશ્ચર્યમાં પડી ગયો. હાથ જોડીને બોલ્યો, “હે મહાનુભાવ!તમે મારી ઉપર જે ઉપકાર કર્યો છે, તેનો બદલો આ ભવમાં હું શી રીતે વાળી શકીશ? તમારું ધન તો મારાથી લેવાય જ શી રીતે? વળી મારું ધન તમે ગ્રહણ કરતા નથી તો આ તમારા અને મારા ધનનું કરશું શું?
ગુણધરે કહ્યું: “હે વિદ્યાધર ! ચિંતા કરવાની જરૂર નથી. બધી ઋદ્ધિ-સમૃદ્ધિનું મૂળ જો કોઈ હોય તો તે ધર્મ જ છે. આ બધા ધનને આપણે ધર્મકાર્યમાં વાપરીએ.
તે બધી સંપત્તિ તેમણે ધર્મમાર્ગમાં વાપરી. તે ગુણધરકુમાર પોતાના ત્રીજા વ્રતને શિવ ૮૪ શિબિર યોજવત ધરીયે ગુરુ સાખ
| SR No. | 006020 |
| Book Title | Vrat Harie Guru Sakh Part 01 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskriti Rakshak Dal |
| Publication Year | |
| Total Pages | 110 |
| Language | Gujarati |
| Classification | Book_Gujarati |
| File Size | 11 MB |