________________
૩૦
સાધુ વાસવાણી
ઈશ્વરના માર્ગે ચડવામાં હતોત્સાહ થશો તો હારી જશો. આગળ ધપો, ભાઈ આગળ ધપો. જો તમારામાં જીતવાની હિંમત હશે તો તમે હારશો નહીં. જીવનનો સાદ છે – શ્રદ્ધા રાખો. અંધકાર અને તોફાનમાં ઈશ્વર આપણો રક્ષક છે. તોફાન જ જીવનને સાર્થક કરે છે. કદી જે આશા ગુમાવતો નથી તે જ ખરો માનવ છે.
સ્વપ્ન સેવો - હે યુવાનો, યોજનાઓ, સંસ્થાઓ, સંગઠનો આવે ને જાય છે, સ્વપ્નો ટકી રહે છે. સ્વપ્નો પ્રજાને જીવન બક્ષે છે, સ્વપ્નસેવીઓ ટીકાકારો નહીં, તવારીખના રચિયતા છે.
લશ્કરોના બૂમબરાડામાં કે ટોળાંઓના શોરબકોરમાં સ્વતંત્રતા નથી. આધ્યાત્મિક જીવનમાં સ્વતંત્રતા છે. એવા જીવનમાં ગરીબાઈ અને દુ: ખ હોઈ શકે પણ આવી ગરીબી ખજાનો છે. આવું દુઃખ સેવા માટેની શક્તિ આપે છે.
દૈનિક મનન
તારીખ ૧. જ્ઞાનવાન મનુષ્યનાં પાંચ એંધાણો છે: (૧) શૌચ, (૨) જીવનસંઘર્ષ વચ્ચે હૃદયની શાંતિ, (૩) નિરભિમાનતા, (૪) અંતઃ પ્રકાશ, (૫) પવિત્રતા. તા. ૨. કર્મયોગ એટલે કર્મ દ્વારા જોડાણ. પરમપુરુષ સાથેનું જોડાણ. જે સર્વત્ર છે. ગરીબ અને ગરજવાન તેનાં છે. ઈશ્વર તેનામાં વાસ કરે છે. તેઓના જીવનમાં સહભાગી થવાથી ઈશ્વર સાથે સંબંધ બંધાય છે.
