________________
૯૪
મહર્ષિ વિનોબા ભાવે જે વાણી સત્યને સંભાળે છે, એ વાણીને સત્ય સંભાળે છે.
સંન્યાસ લેવો' આનો કોઈ અર્થ જ નથી. કારણ સંન્યાસનો અર્થ જ છે – “ન લેવું'.
સ્વધર્મ પ્રત્યે પ્રેમ, પરધર્મ પ્રત્યે આદર અને અધર્મ પ્રત્યે ઉપેક્ષા – આ બધું મળીને ધર્મ.
દરેક ધર્મ સત્યનો અંશાવતાર છે.
સેવા નજીકથી, આદર દૂરથી, જ્ઞાન અંદરથી.
રામ મર્યાદાભૂમિ, કૃષ્ણ પ્રેમસમુદ્ર, હરિ જે કંઈ બાકી રહ્યું તે - અનંત આકાશ!
રસ તો એ છે, જે સનાતન તથા એકરસ હોય. ઉપનિષદોમાં રસની વ્યાખ્યા - ર વૈ સ: | જેમાંથી જીવ ઉત્પન્ન થાય છે, કાયમ ટકે છે અને જેમાં જીવ લીન થાય છે. એટલે આપણે પણ જીવન અને મરણ બંનેમાં સમાન આનંદપૂર્વક મસ્ત રહેવું જોઈએ. જીવનના પ્રત્યેક કાર્યમાં ચાલતાં-ફરતાં, બેસતાંઊઠતાં આનંદનો અનુભવ થવો જોઈએ. ત્યારે આપણને જીવનનો સાચો રસ ચાખવા મળશે. ચિત્તમાં સમાધાન તે મુખ્ય વસ્તુ છે. અસલી ચીજ છે – આ ચિત્તની પ્રસન્નતા!