________________
ભગવાન ઈશુ વિરુદ્ધ ?'' ખરીદાયેલા પંચના ટપોટપ મત પડ્યા – ‘તરફેણ”. માનવતાની લાજ રાખતો કેવળ એક મત પડ્યો - ‘વિરુદ્ધ'. કહેવાની જરૂર છે કે આ મત યૂસુફનો હતો?
અને જાણે લંકા જીતી લીધી હોય તેમ એકોતરી સભા પોતાના ચુકાદા પર રોમન સૂબાની મહોર લગાવવા ઊપડી.
એકોતરી સભાને દેહાંતદંડ કરવાની સત્તા નહોતી. એ કેવળ સજા સૂચવી શકતી, એના પર છેલ્લી મહોર સૂબાની લાગવી જોઈએ. વળી પાસ્મારના પર્વ ટાણે નરહિંસાનું પાપ માથે લેવાની પણ એમની તૈયારી નહોતી એટલે પરભારું નિકંદન નીકળી જાય એ દષ્ટિએ કેફે ઈશુને બાંધીને સૂબા પાસે મોકલ્યો. રસ્તામાં પણ એના ઉપર ખૂબ ક્રૂર વર્તન આચરવામાં આવ્યું.
સૂબા પાસે પાછી લાંબી તપાસ ચાલી. સૂબાએ તેને સીધું પૂછ્યું, “તું પોતાને યહૂદીઓનો રાજા કહેવડાવે છે એ વાત ખરી ?''
બોલવાની લેશમાત્ર વૃત્તિ નહોતી, જાણે જાતને ધક્કો મારીને બોલાવતા હોય તેમ એ બોલ્યા, “હું જે રાજ્ય વિશે બોલું છું તે પૃથ્વીનું ભૌતિક રાજ્ય નહીં, પણ પ્રભુનું આધ્યાત્મિક રાજ્ય છે. હું સત્યનો સાથી છું, સત્ય માટે મારો જન્મ છે અને સત્યધર્મનો હું રાજા છું.'
રોમન સૂબાને ઈશુની વાતમાં કશું સજા કરવાપણું લાગતું નથી. તેમ છતાંય ધર્મસભાને એનામાં કાંઈ વાંકગુનો લાગતો હોય તોપણ પાખાર પર્વના ટાણે સૂબાને એક યહૂદીની શિક્ષા માફ કરવાનો વિશેષાધિકાર મળતો હતો, તે વાપરીને પણ ઈશુને
