________________
ભગવાન ઈસુ લોકોને સતત આ વાત કીધા જ કરી છે કે પૂર્વમાંથી પ્રકાશનું કિરણ આવશે, જે આપણાં અંધારાંને ફેડશે. પૂર્વમાંથી કોઈક ઉદ્ધારક આવશે, જે આપણને અસત્ય, અનીતિ અને દુષ્ટતાના કીચડમાંથી બહાર કાઢશે. વાચાસિદ્ધ પુરુષોની આ આગાહી હતી કે પૂર્વનો આ પનોતા પુત્ર સમસ્ત માનવજાતિનો ઉદ્ધારક સિદ્ધ થશે અને સકળ જગતનો પ્યારો થશે.
આજે આપણે જોઈએ છીએ કે પૃથ્વી પરના મહદ્ પટ પર કેવળ ઈશુના નામનું સામ્રાજ્ય પ્રવર્તે છે. ખ્રિસ્તી ધર્મ સૌથી વધુ વ્યાપક ધર્મ છે અને ખ્રિસ્તી ધર્મનો મૂળ ગ્રંથ “બાઈબલ' હવાની જેમ સર્વત્ર ફેલાઈ ગયો છે. આનું એકમાત્ર કારણ છે ઈશુનું ચિત્તાકર્ષક, મનમોહક જીવનચરિત્ર. ઈશુનું ચારિત્ર્ય એટલું બધું સામર્થ્યવાન છે કે અનેકોને યુગયુગાંતર સુધી એ પ્રેરણા આપ્યા કરશે.
૨. બાળસૂર્યની રતિમ આભા
“મારું અંતર પ્રભુનો મહિમા ગાય છે. અને મારો આત્મા મારા ઉદ્ધારક પરમેશ્વરમાં રાચે છે, કારણ, તેણે પોતાની આ દીન દાસી ઉપર કૃપાદૃષ્ટિ કરી છે.''
- કૃપાદૃષ્ટિ? કેવી છે આ કૃપાદૃષ્ટિ? કોના ઉપર થઈ છે આ કૃપાદષ્ટિ ? આમ તો જગતભરની તમામેતમામ માતા જ્યારે એની કૂખ ભરાય છે ત્યારે કૃતકૃત્યતા અનુભવે છે, પણ પોતાને
બડભાગી' માનનારી આ માતા મેરી તો કુંવારી મા છે. - વેવિશાળ તો જોસેફ નામના એક યુવા સુથાર સાથે થઈ ચૂક્યું
