________________
૪૨
શ્રી શ્રીમા આનંદમયી મા
‘‘ભગવાનને મળવું છે?’’
એમ તો ઘણા માણસો હા ભણે પરંતુ મન અને પ્રાણથી એક એની જ ઝંખના કરો તો એ જરૂર મળશે.
એ અભિલાષા કેવી હોય છે? નાવ ડૂબવા માંડે ત્યારે અંદર બેઠેલા માણસો કિનારે પહોંચવા કેવા તલસે છે! સંતાન ખોવાઈ ગયું હોય અને એને પાછું મેળવવા મા કેવી આતુર હોય! એવા ભાવથી તમે ભગવાનને મળવા જાઓ તો એ જરૂર મળશે.
જોજો, અમંગળનું સર્જન તમે જાતે જ કરશો નહીં! અશુભ વિચારોને મનમાં આશ્રય આપશો નહીં. નહીં તો એની જ શૃંખલાઓ તમને બાંધી લેશે.
યાદ રાખો, શુદ્ધ ભાવ હશે તો સાધના સહેલી થશે, એટલે પહેલાં જાતને તૈયાર કરો.
પોતે સુંદર થઈને ચિરસુંદરને બોલાવો અને સુંદર હૃદયાસન
ઉપર એમની પ્રતિષ્ઠા કરો.
પછી બધું જ સુંદર લાગશે.
*
કીર્તન વખતે મૃદંગના તાલે ઘણા લોકો ગાય છે, નાચે છે છતાં એમને વાઘની ખબર રહેતી નથી. આ જગતના મૃદંગને વગાડનારો એક જ જણ છે. પરંતુ એનું ભાન કેટલાને રહે છે! એણે દીધેલા આનંદમાં દિવસો અને વર્ષો વીતી જાય છે, પરંતુ એને ઓળખવા કોણ ચાહે છે!
*
જેણે હિમાલય જોયો નથી તે માનશે કે હિમાલય એક પર્વત છે. પરંતુ એની સમીપ જઈને જોશે તો સેંકડો પહાડો, લાખોનાં
