________________
આંતરિક ગુંજારવ
મૈત્રી
મૈત્રી ભાવનું પવિત્ર ઝરણું, મુજ હૈયામાં વહ્યા કરે;
શુભ થાઓ આ સકળ વિશ્વનું, એવી ભાવના નિત્ય રહે. ૧.
પ્રમોદ
ગુણથી ભરેલા ગુણી-જન દેખી, હૈયું મારું નૃત્ય કરે; એ સંતોના ચરણ-કમલમાં, મુજ જીવનનું અર્ધ્ય રહે. ૨.
કરુણા
દીન, ક્રૂર ને ધર્મવિહોણા, દેખી દિલમાં દર્દ રહે; કરુણાભીની આંખોમાંથી, અશ્રુનો શુભ સ્રોત વહે. ૩.
માધ્યસ્થ્ય
માર્ગ ભૂલેલા જીવન-પથિકને, માર્ગ ચીંધવા ઊભો રહું; કરે ઉપેક્ષા એ માર્ગની, તો યે સમતા ચિત્ત ધરું. ૪.
(એક ભાવનાપ્રિય વ્યક્તિનો આ આંતરિક ગુંજારવ છે.)
