________________ શ્રી હીરવિજયસૂરિરાસ 19 919 તરત જ વિમલ ઊઠ્યો. તેની સાથે લડાઈ કરી અને પગ પકડીને નીચે નાખ્યો. આમ જે-જે કૂડકપટ એને મારવા માટે કરાયાં તે બધાં ફોગટ ગયાં. એટલે રાજા અને મંત્રી વિચાર કરીને એની પાસે લહેર મહેતાના વારાનો હિસાબ માગે છે. “છપ્પન ક્રોડ સોનું આપો અથવા આવીને તેનો હિસાબ કરો.” મંત્રી કહે છે, “એ મૂળથી જ કપટી છે. તેથી એ મૂકી જ દઉં.” એમ વિચારીને સોળસો સાંઢણી ઉપર સોનું ભરીને સર્વ ઋદ્ધિ પરિવાર સહિત સાડા પાંચ હજાર ઘોડેસવાર તથા દશહજાર પાયદળ તેની આગળ ચાલે છે. આગળ ગર્જના કરતો હાથી છે. ઘોડા ઉપર વિમલ મંત્રી સવાર થયા. ભંભા ભેરી વાગે છે. ભીમ રાજાની પાસે આવી તેના ચરણે વિમલ માથું નમાવે છે. તે વખતે રાજા મોઢું ફેરવીને પૂંઠ દે છે. તે જોઈ વિમલ મંત્રી કહે છે, “મને જેવી રીતે પૂંઠ બતાવી તેવી શત્રુને બતાવશો નહીં.” એમ કહીને ચંદ્રાવતી નગરી તરફ ચાલે છે. એની ઋદ્ધિ જોઈને, ચંદ્રાવતીનો રાજા ભયભીત થઈને મરણ પામ્યો. (ઢાળ 40 - મગધ દેશકો રાજા એ દેશી - રાગ સારંગ) વિમલપ્રબંધ સુણો નર સહુએ, લહેર મહેતો પરધાન; - વીરકુંવર હુઓ જગ તેહને, ઘે નરપત બહુ માન; હો જગમાં વિમલ વડો નરરાય. વિમલ તે વીર તણો સુત હોઈ, વીરમતી જસ માય; - રાજા ભીમ તણો તે મંત્રી, વિમલ તે જગવિખ્યાત હો. જગ. 920 દંડ મંત્રીએ ભીમ ભંભેર્યો, વિમલ લીએ તુજ રાજો; ગજ હસ્તી નર આયુધ મેળે, વઢવા કેરાં સાજો હો. હો જગ. 921 તુજને શીશ ના નામે કહીએ, જિનપ્રતિમા તસ હાર્થિ; નિત્ય પ્રણામ કરે છે તેહને, માયા કરિ તુમ સાર્થિ હો. જગ. 922 રાજા રીસ ભરાણો ત્યાહારે, સકળ સુભટ નર કોપે; વિમલ મંત્રી સિહસરિખો આવ્યો, કો નવિલજ્યા લોપે હો. જગ. 923 નરપતિ કપટ કરી તિહાં બોલ્યો, તુમ ઘર મંત્રી જોહ્યું; વિમલ કહે નૃપ હવડાં આવો, અમો પવિત્ર અતિ હોમ્યું. હો. જગ. 924 તામ ભૂપ સમકાળે ઊઠ્યો, સાર્થિ સહ પરિવારો; પ્રથમ પોળિ માંહિ નૃપ પઈઠો, દીઠો ગજ હિંસારો હો. જગ. 925 બીજી પોળિ માંહિ નૃપ પઈઠો, દીઠા રથ હથીઆરો; જિણ જીવરની નાળિઘણેરી, સુભટતણો નહિ પારો હો. જગ. 926 ત્રીજી પોળ માંહિ નૃપ આવે, દીઠી વૃષભાહારિ; નૃપચિંતે સહી પડ્યા ખભેડે, કિહાં આવ્યા એણે ઠાર; હો. જગ. 927 પા. 926.2 જીત જીવ 927.2 પડા ષજભેડઈ ટિ. 927.2 ખભેડે = ધમાલમાં